Dili, 10 Dezembru 2024 (Média Democracia) – Asosiasaun Diretus Humanu HAK Asean Justice and right AJAR hamutuk Sekretariu Estadu Peska e Floresta SEPF selebra loron internasional Deklarasaun diretu umanu ho titulu “Sorumutu hodi hanoin hamutuk kondisaun real ho asuntu Agrikultura, Saude, Edukasaun Bee moos no buka dalan hodi hatan ba dezafiu” atividades ne’e hala’o iha salaun UCT Balide
Tuir Vise-Diretor Asosiasaun HAK Timor-Leste Antonio de Limas hateten, sorumutu ba loron ohin nian importante hodi selebra loron diretu umanu maibé ita-nia moris sempre koalia kona-ba responsabidade boot atu respeitu, proteje no hakruk ba sidadaun hotu nia diretu
“Asosiasaun HAK Timor-Leste aproveita iha tempu ida ne’e hakarak nafatin koalia kona-ba asuntu Diretu Umanu nian, haree ba asuntu ne’ebé ligadu ho Diretu, Ekonomia, Sosial no kultura nian, tanba ne’e nafatin koalia asuntu ekonomia sosial edukasaun Saude inklui Bee moos, nune’e mós governu buka meus oinsa bele halo atendimentu ba sidadaun sira hodi atende diretu ema ida-idak nian.” Dehan Vise-Diretor Asosiasaun HAK Timor-Leste Antonio de Limas
Nia hatutan sorumutu ne’e foka liubá agrikultura tanba iha nasaun hotu-hotu sai baze fundamentu primeiru dezenvolvimentu maka agrikultura, tanba liuhusi agrikultura bele fó benefisiu ba ema hotu nia moris
Iha fatin hanesan Sekretariu Estadu Peska e Floresta, Domingos da Conceição dos Santos hateten, Deklarasaun Universal Direitus Humanus ne’ebé deklara iha tinan 76 liubá hanesan deklarasaun atu respeita direitu moris ba ema singular no koletiva iha mundu.
“Deklarasaun Artigu 25, Pontu (1) “Ema ida ida iha direitu ba standar moris mak adekuadu ba saúde no moris-diak ba nia-an no nia familia, inklui hahan, hatais, uma no tratamentu saúde no servisu sosial nesesariu no direitu ba seguransa relevante ho desempregu, moras, defisiente, faluk, idade avansada ka menus moris iha sirkumstansia alein husi nia kontrola” no Pontu (2) “Maternidade no infansia mak presiza tratamentu espesial no asistensia. Labarik hotu-hotu, ne’ebé moris iha ka fora kazamentu, tenke goja protesaun sosial ne’ebé hanesan.” Dehan Sekretariu Estadu Peska e Floresta, Domingos da Conceição dos Santos
Nia salienta partisipante sira hotu atu defende direitu no garantia moris diak ba sidadaun no komunidade Estradu no Governu Timor-Leste hatuur Planu Estratejiku Dezenvolvimentu 2011-2030 (PED 2011-2030) no Governu komitmentu atu hadi’a povu nia moris.
“Prioridade dezenvolvimentu hanesan, Parte 4 “Dezenvolvimentu Ekonomia”, liu Setor sira hanesan : Dezenvolvimentu Rural, Agrikultura, Petroleum, Turismu no Investimentu Setor Privadu. Setor Agrikultura ho nia sub-setor sira hanesan Peska no Agrikultura, Kultivu Alimentus “Agrikultura no Hortikultura”, Pekuaria no Florestas.” Dehan nia
Nia informa Ministériu da Agrikultura no Peskas iha governu anterior no atual Governu Konstitusional da-9, MAPPF iha tinan hirak liubá hatu’ur programa no planu nasional ida iha tinan 2014 atu kombate hamlaha no malnutrisaun ne’ebé planu nasional ne’e hanaran “Planu Asaun ba Hakotu Hamlaha no Malnutrisaun iha Timor-Leste
“Planu ida ne’e hatu’ur husi Ministeriu sira, hanesan Ministeriu da Agrikultura no Peska, Ministériu Saúde no Ministeriu relevante sira seluk atu garantia moris di’ak ba povu no komunidade. Atu hakotu hamlaha no malnutrisaun, komponente hotu-hotu hanesan governu, setor privadu, komunidade, sosiedade sivil no parseiru dezenvolvimentu sira presiza servisu hamutuk.” Nia informa
Nia afirma Ministériu Agrikultura, Pekuária, Peska e Floresta tuir mandatu responsabiliza hodi garantia direitu atu asesu no seguransa ai-han nune’e bele hakotu hamlaha no malnutrisaun iha Timor-Leste, liuliu implementasaun programa no planu asaun sira hanesan agrikultura, hasa’e produsaun ai-han liu servisu irigasaun, mekanizasaun no prepara fini ba agrikultor sira
“Parte peskas, teritoriu tasi no area akuatiku Timor-Leste luan liu teritoriu raimaran, nune’e mós tasi Timor-Leste no area akuatiku nakonu ho rekursoin biolojiku no rekursu ikan, boek, kadiuk no seluk-tan ho valor nutritivu no valor ekonomiku ne’ebé ass. Atu suporta servisu peska no agrikultura husi governu anterior hatu’ur baze legal hanesan baze jeral rejime juridiku ba ordenamentu, jestaun peska no akikultura.” Nia afirma
Esplika liután katak iha komitmentu atu hadi’a povu nia moris konkretiza ho hadia peskador no agrikultor liu suporta atividade peska no agrikultura hanesan gradualmentu atu suporta ekipamentu peska hanesan ró no makina ba grupu peskador sira iha Munisípiu hirak mak iha area tasi, nune’e sira bele aumenta kapasidade kaer ikan hodi aumenta produsaun, aumenta mós rendimentu nomos ai-han nutritivu ba familia, komunidade piskatoria no sidadaun hotu-hotu nia moris di’ak.
Reportajen : Nefiano
Foto : Nelfiano