Dili, 15 Abril 2025 (Média Democracia) – Maktoban Zeto presta Omenajen ikus iha FCS antes lori ba halot iha Simiteriu Metinaru. Presta omenajen ne’e hala’o iha loron Segunda-feira semana ne’e, 14/04/2025.
Liafuan badak ne’ebé hato’o husi Dekanu fakuldade Siensia sosiais, Universidade Nasional Timor Lorosa’e, Alarico da Costa Ximenes, ohin hamutuk iha fakuldade ida ne’e ho laran triste, tanis no susar, tanba maktoban Profesor Jose Antonio baibain bolu ho naran istimadu prof “Zeto” ne’ebé fila ona ba iha aman nia kadunan Santo.
“Maktoban lakon ona husi Fakuldade Siensia sosiais, Universidade Nasional Timor Lorosa’e nia leet, loron ohin ita hotu hamrik iha ne’e ho fuan ne’ebé triste no tanis, tanba maktoban ema ida ne’ebé diak tebes iha sosiedade liuliu iha estudante sira, triste tebes tanba ita nia hasoru malu to’o iha ne’e deit.” Dehan Dekanu fakuldade Siensia sosiais, Universidade Nasional Timor Lorosa’e, Alarico da Costa Ximenes,
Nia hatutan obrigada barak ba familia tomak husi profesor Zeto nomos lori Fakuldade Siensia Sosiais nia naran hato’o obrigada barak ba profesor nia dedikasaun durante ne’e iha Fakuldade Siensia Sosiais liuliu iha Departamentu Siensia politika maske Fakuldade Siensia Sosiais la selu maibe sei nafatin implementa matenek sira ne’ebé durante ne’e maktoban fahe ona liuliu ba estudante sira
Ministeriu Ensinu Superior Siensia no kultura Jose Onorio da Conceicao Pereira Jeronimo, Primeiru lori estrutura Ministeriu Ensinu Superior hato’o sentido kondelensia ba familia tomak prof Zeto nian, no agradese ba iha maktoban zeto ne’ebé fó ona kontribuisaun boot durante ne’e iha UNTL hahu husi hasai Lisiensiatura to fila mai sai hanesan dosente to’o hakotu is iha fulan abril tinan 2025.
“Ha’u konese diak ho maktoban Zeto tanba nia ema diak ida ne’ebé la hatene hirus, ha’u koñese nia liuhusi nia kaben matebian, nomos koñese maktoban nia maunalin sira, maktoban Zeto hanesan kolega ida diak tebes, hahu nia hanorin to’o hakotu iis maktoban hanesan ema ida ne’ebé servisu makas tebes.” Dehan Ministru Ensinu Superior Siensia no kultura Jose Onorio da Conceicao Pereira Jeronimo
Nia hatutan sente lakon ema diak ida maibé nafatin husu agradese ba maktoban Zeto ne’ebé durante ne’e dedika ona nia-an tomak hodi hanorin estudante sira, dedika nia-an tomak ba iha servisu hamutuk ho dosente sira iha UNTL nomos hanesan ema ida ne’ebé pasensia tebes to’o fila-fali ba mundu seluk
Biografia maktoban Profesor Dr. Jose Antonio Lorenso da Costa “Zeto”
Prosefor Dr. Jose Antonio Lorenso da Costa Moris iha Fatumea Loron ruanulu resin-rua (22) Fulan jullu tinan rihun ida atus-sia hitunulu (1970) moris iha Buicoli, Postu-Administrativu Baucau, Munisipiu Baucau, oan husi inan Maria Lurdes Boavida no aman Emilio da Costa Ximenes, Prof zeto hanesan oan ba dahaat husi maunalin nain tolu.
“Maktoban zeto hahu Nia eskola primaria 10 bairo pite Dili, eskola pre-sekundariu Santo Paulo sexto Dili, eskola sekundariu iha Santo Yoseph balide Dili, no kontinua ba seminariu maior Dili, prof zeto hasai kursi lisiensiatura iha Universidade Nasional Timor Timur iha Departamentu Siensia Politika iha tinan 1991-1996, kontinua kursu Mastradu iha Universidade teknika Lisboa Portugal, institutu superior de Siensia politika sosiais Portugal iha tinan 2007-2010, kontinua kursu doutoramento iha Universidade Ebora Portugal tinan 2014-2018”
Atividade profesional hahu tama dosente permanente iha UNTL hahu kedas iha tinan 2000, prof Zeto sai dosente permanente iha Departamentu Siensia Politika iha tinan 2019 to’o loron sia fulan abril tinan 2025 hakotu iss bainhira organiza no partisipa hela konferensia nasional ne’ebé iha auditorium FCS kaikoli Dili, esperensia seluk ne’ebé durante ne’e prof Zeto iha hanesan sai dosen ba iha Universidade Nasional Timor Lorosa’e iha tinan 1997 -1999, sai mós hanesan Vise-Reitor Asuntu Estudantil iha UNTL 2004-2007, sai mós hanesan Koordenador buletin akademiku iha radio UNTL iha tinan 2010-2014, sai mós hanesan Koordenador grafika UNTL 2010-2012, sai mós Diretor akademiku Siensia politika Fakuldade Siensia Sosial iha tinan 2020-2024, esperensia investigasaun prof Zeto hala’o investigasaun ba iha publikasaun kongresu, seminariu, konferensia no atividade seluk ne’ebé iha ona.
Reportajen : Domingas
Foto : Domingas