Dili 15 Outobru 2024 (Média Democracia) – Ministra Saúde Elia dos Reis Amaral hato’o liahirak ne’e bainhira entrega termu aseitasaun ba kargu Diretór no kargu xefia iha Salaun Palásio das Cinzas, Tersa-Feira ne’e
Iha termu entrega ne’e Ministra saúde Elia dos Reis Amaral hateten, termu entrega kargu Diretór no xefia sira ne’e hala’o hodi kontinua komitmentu nonu-governu konstitusionál nian.
“Termu de entrega kargu diresaun de sefia ba husi orgaun Ministériu Saúde nian, ne’ebé hala’o husi nomeasaun ema subsisaun hodi kontinua komitmentu boot husi nonu-governu konstitusionál atu haforsa funsaun públika ida ne’ebé servisu di’ak liután ba estadu no povu doben Timor-Leste atu atinji rezultadu ba prosesaun de servisu sira ne’ebé di’ak.” hateten Ministra Elia iha Salaun Palásio das Cinzas Caicoli.
Nia dehan esforsu Ministériu saúde ba kargu sefia no Diretór sira hodi haree servisu iha nivel nasionál too ba iha área remotas.
“Hatudu mai ita hotu kona-ba esforsu dedikasaun no espíritu atu serví ne’ebé boot tebes husi ministeriu saúde husi nivel nasionál, instituisaun autónomu sira too iha área fasilidade saúde sira ne’ebé iha remotas sira nian, ba señores siretores no xefia sira ne’ebé hala’o servisu too ohin loron, atan ha’u hakarak espresa ha’u nia agradesementu nu’udar reprezentante governu ba seitór saúde nian.” Nia dehan
Governante ne’e afirma sei kontinua mellora servisu di’ak liután ho kualidade.
“Ministériu Saúde kontinua hala’o fali esforsu boot hodi reorganiza, renova no hodi inova sistema servisu nasionál de saúde ho objetivu atu mellora di’ak liután servisu saúde ho kualidade ba operasaun hodi hasa’e asesu asistensia de saúde ba komunidade liuliu ba maluk sira ne’ebé to’o oras ne’e seidauk hetan asistensia saúde ne’ebé di’ak no ba maluk sira ne’ebé hela iha dook no foho leten iha area rurais sira ita presiza hakbesik asistensia saúde too iha ne’ebá.” Nia Afirma
Nia dehan ba Diretór ne sefia sira, bainhira simu kna’ar tenki sai servidór ne’ebé di’ak ba ema hotu ne’ebé presiza tulun.
“Bainhira ita simu ita-nia knaar iha responsabilidade nia laran, ita-nia objetivu ida, sai nu’udar servidór ne’ebé di’ak ba ita-nia maluk sira ne’ebé presiza ita, hanesan lider, Jestór no menejer, ita boot sira mós tenki iha kualidade lideransa, forte iha desizaun, firme iha iha asaun ba povu no nasaun, fiar ba lei no regulasaun sira, fé hodi serví, ita hotu mak objetivu prinsipál, fahe tempu no matenek ba ema ne’ebé ita-boot sira lidera no tenki serví ho fé.” Nia dehan
Nia apela, nu’udar Diretór no sefia tenki simu krítika tanba ne’e konstrutivu hodi haree ba evaluasaun servisu too iha ne’ebé.
“Lideransa tenki rona nia staff, simu kritika tanba kritika ne’e konstrutiva, kritika ne’e sira hatene ita-nia servisu too iha ne’ebé, kritika la’ós atu hanoin ita, foti ita-nia oin prepara-an la’o nafatin ba oin. Agradese tanba ema kritika ita, Agradese tanba ema rihun ba rihun tau matan mai ita, signifika katak servisu ne’ebé ita halo seidauk másimu, servisu ne’ebé ita halo dukur de’it iha fatin, ba prátikamente ema sempre kritika, ita eziste para ema kritika, ita asiste no ita prontu atu serví di’ak liután.” Nia apela
Iha fatin hanesan atual Diretora rekursu Umanu Meri cristevaria Lopes Baria sente Agradese ba Ministériu saúde hodi fó konfiansa atu lidera rekursu umanu iha Ministériu saúde, sei roma responsabilidade hodi serví ema hotu.
‘’Durante asumi kargu nu’udar enfermeira iha Hospital Nasional Guido Valadares (HNGV), maibé ohin loron simu ha’u simu kna’ar foun ida ne’e hodi servi, tanba durante ne’e servisu iha baze asiste no hatene problema hirak ne’ebé akontese iha baze. Kna’ar foun ida ne’ebé ha’u simu todan maibé pronto atu resolve problema hirak iha baze liuliu iha area rekursu umanu nian, hodi bele resolve povu sira nia preokupasaun no problema sira.” Nia hateten
Nia sei la fó promesa atu bele rezolve programa rekursu umanu iha Ministériu Saúde iha tempu badak nia laran maibé sei hadi’a servisu hotu tuir tempu.
“Ha’u hatene muitu bem preokupasaun povu tomak nian liuliu iha baze too ohin loron, ha’u nia esperansa katak Jornalista sira sei suporta nafatin ha’u hodi buka nafatin dadus hodi apoiu ha’u, karik iha failansu ruma iha terrenu ne’ebé dalaruma labele asesu direita, ha’u presiza ita-boot sira nia tulun ho konstrutivu ajuda ha’u hodi jere rekursu umanu iha Ministériu saúde.” Nia esperansa
Entretantu emposadu iha atividade ne’e hamutuk na’in 48, Kargu sefia 40 no Kargu Diretór na’in 8.
Reportajen : Estefánia
Foto : Estefánia