Dili, 24 setembru 2024 (Média Democracia) – Sekretariadu Estadu Igualidade SEI Servisu hamutuk ho Falentil Forsa Defeza Timor Leste F-FDTL fasilita treinamentu ba membru F-FDTL hamutuk sanulu resin-lima (15) feto 12, Mane 3, membru sira ne’e mai husi componente Naval, Terrestre, Aero, Forsa Apoiu Jeral inklui Quartel Geral sira sei tuir formasaun durante semana ida ho tema” Violensia bazeia ba Jeneru VBJ”, iha salaun Esperansa Segunda-Feira ne’e
Iha entrevista ho Diretira nasional polituka igualdade jeneru SEI Celeste Ramos Martins Gonçalves hateten, atu dehan los programa ba ohin loron nian ne’ebé hala’o treinamentu ida ne’e oinsa atu haree ba iha politika prevensaun kona-ba violensia bazeia ba jeneru no importansia saida hodi bele haree kona-ba politika rezolusaun feto iha seguransa iha nasaun ida ne’e.
“Hare’e ba problema hirak ne’e SEI la servisu mesak maibé servisu hamutuk ho TAF Nabilan ne’ebé hare’e ba programa ne’e no fó mós apoiu makas ba iha programa prevensaun violensia bazeia ba generu VBJ, aleinde ne’e SEI mós sei koopera hamutuk ho F-FDTL ne’ebe atu tuir formasaun refere durante semana ida atu nune’e bele hare’e didiak kona-ba nia objetivu no afeita duni no implementasaun iha instituisaun F-FDTL rasik liga ba politika prevensaun kona-ba violensia bazeia ba generu VBJ”. Dehan Diretira nasional polituka igualdade jeneru SEI
Nia salienta liután SEI tau importansia no fó treinamentu kona-ba violensia bazeia ba generu hodi hasae hanoin ka koñesementu kona-ba saida lolos mak politika prevensaun violensia sira hodi nune’e bele asegura no garantia politika prevensaun violensia ne’e iha instituisaun hotu-hotu.
“Razaun ita identifika F-FDTL rasik hanesan xave ba situasaun sira haree ba iha politika planu asaun nasional haree liubá violensia bazeia ba generu VBJ konsidera mós oinsa husi parte F-FDTL atu haree asegura no garantia iha instituisaun ne’e rasik, katak prevensaun ida ne’e laos sai hanesan knaar ida ne’ebé espesial ba SEI de’it maibé ba entidade tomak inklui mós FFDTL.” Esklarese Celeste Ramos Martins Gonçalves
Hatutan husi SEI haree ba iha kazu violensia bazeia ba generu VBJ iha Ano 2024 SEI seidauk publika dadus kona-ba violensia sira ne’e, maibé iha Ano 2023 total kazu ne’ebé durante ne’e SEI registu hamutuk Rihun-Ida-resin ho nia tipu violensia ne’ebé la hanesan ezemplu violensia Sexual” haree liubá iha kazu insestu”, Violensia bazeia ba generu, violensia Domenstika nomós abandona familia husi violensia hirak ne’ebé SEI registu ona, SEI nafatin esforsu hodi fasilita treinamentu ba entidade tomak atu nune’e bele hamenus violensia hirak ne’e iha nasaun ida.
Iha Sorin seluk Kapitaun Marquita da cunha hateten, objetivu ba formasaun durante semana ida ne’e atu prepara membru militer sira tantu feto no mane liu-liu pontu vokal husi komponente no Forsa apoiu jeral inklui mós Quartel Geral atu sai hanesan partisipante ba iha treinamentu kona-ba violensia bazeia ba generu VBJ liuhusi formasaun ida ne’e bele sensebeliza fali militar sira ne’ebé seidauk iha koñesementu iha asuntu violensia nian.
“Treinamentu ida ne’e hala’o tanba iha liña koordenasaun husi F-FDTL ho SEI atu fahe materia sira ne’ebe liga liubá iha violensia bazeia ba generu no violensia sira seluk ne’ebé sempre akontese iha sosiedade nia leet liuliu iha familia nomos iha instituisaun F-FDTL no instituisaun seluk.” Dehan Kapitaun Marquita da cunha
Kapitaun Marquita da cunha salienta kazu haree ba violensia sira ne’e iha instituisaun F-FDTL rasik iha maibé labele publika, tan ne’e formasaun ne’ebe sei hala’o Durante semana ida ne’e atu membru militar sira bele iha koñesimentu ituan kona-ba violensia bazeia ba jeneru, nune’e sira bele halo prevensaun ba iha violensia ne’e iha futuru.
Reportajen : Domingas
Foto : Domingas