Dili, 08 Novembru 2024 (Média Democracia) – Iha semana ne’e ba oin ekipa konjunta ne’ebé lídera husi Sekretáriu Estadu Asunto Toponomía no Organizasaun Urbana hahú fila-fali Operasionalizasaun hanesan uluk hodi hamoos Saidade Dili.
Sekretáriu Estadu Asunto Toponomía no Organizasaun Urbana Germano Santa Brites hateten, durante ne’e ekipa konjunta servisu makas mak sidade ne’e ema haree moos ona, animál mós maluk balun komprende tau iha nia fati, maski balun kontínua tau fila-fali iha nian luhan ne’ebé besik iha uma leet.
“Maibé balun haree no indetifika kontínua tau fila-fali fahi ba luha mai iha uma leet-leet sira fali ona, nune’e ita hakas-an servisu nafatin hodi halakon tiha animal sira ne’ebé husik iha sidade laran atu sidade bele sai furak no moos liután. Iha semana ida ne’e ba oin to’o fulan dezembru ekipa konjunta sei tun halo servisu mós hanesan iha tinan ida-nia laran ba kotuk ona, no hanesan iha tinan kotuk ita hakas-an servisu para halo sidade ne’e mós.” Dehan nia ba Jornalista Media Democracia hafoin Partisipa Debate Orsamentu Jerál Estadu 2025 iha Parlamentu Nasionál, Kinta (06/11).
Nia dehan ekipa konjunta indetifika ona fatin sira ne’ebé komunidadev kiik sira hato’o keixa ba sira la’os ne’e de’it maibé iha mós Membru Governu no Membru Parlamentu Nasionál balun.
“Ami indentifika ona fatin sira ne’ebé maluk sira halo keixa mai, la’ós husi komunidade kiik de’it maibé mai duni husi ita-nia Parlamentu Nasionál deputadu no deputada sira, membru Governu sira, sosiedade sivil sira no fó hanoin tan mai SEATOU ho ekipa para tun ba haree, iha semana hirak liubá ita hasai ona balun mais agora kontínua la’o nafatin.” Nia dehan
Nia afirma ohin ba oin sei halo operasaun makas oituan para haree animál sira ne’ebé sei husik livre nafatin hanesan iha tasi- tolu, balun tama to’o iha altar Santo.
“Animál balun tama to’o iha altar Santo iha Padre halo misa ba ne’e, bibi karau sira tama hotu iha laran ona nune’e mós iha Kristu Rei parte iha ne’ebá mós maluk sira ne’e husik animál sira la tuir nia dalan no ita mós avizu beibeik ona.” Nia afirma
Enkuantu Komunidade ne’ebé la koopera hodi la ajuda governu maka ekipa konjunta ne’ebé Lidera husi Sekretária Estadu Asuntu Topinímia no Organizasaun Urbanas tenke kaer animál hirak ne’e hodi entrega ba ona kiak sira iha Orfanatu.
Reportajen : Estefania
Foto : Estefania