Dili, 08 Novembru 2024 (Média Democracia) – Ministeriu Agricultura Pekuaria Peska no Floresta, Univesidade Nasional Timor-Lorosa’e no Organizasaun ACIAR realiza seremonia lansamentu ba projeitu Toska no Dom-Bosco. Fundu ne’ebé investe ba projetu ne’e mai husi husi governu Australia komisaun ba iha Carles Darwin University, Atividade ne’e realiza iha City8, Haas-Laran Dili, Kinta semana ne’e
Tuir Lideransa Projetu ACIAR, Dr. Leigh hateten, projeitu ida ne’e kona-ba protividade servisu haree katak daudaun ne’e iha Timor-Leste agrikultura komesa menus ba beibeik entaun liuhusi projeitu ida ne’e sai hanesan meiu simples ida atu motiva agrikultor bele produz hahan ne’ebé nakonu ho nutrisaun
“Projetu ne’ebé ami realiza husi munisípiu tolu Manufahi, Ainaru no Baucau, programa hirak ne’e hala’o iha aldeia neen, ne’ebé iha aldeia ida kria projetu rua. Aleinde liuhusi projeitu ne’e nia prosesu partisipatoriu ami lao hamutuk ho komunidade sira ho forma pergunta peskiza nian kona-ba saida mak atu hamutuk ho komunidade sira iha areá rural.” Dehan Lideransa Projeitu ACIAR, Dr. Leigh
Nia hatutan projetu ne’e lao durante tian haat nia laran komesa husi fulan agostu 2024 too tinan 2028 fulan agostu. Osamentu ne’ebé investe ba projetu refere ho montante $2.9 millaun dolar Australiano ba tinan haat nia laran Timor-Leste.
“Razaun ne’ebé kria projeitu ba munisípiu tolu ne’e tanba haree ba zona moris ne’ebé diferente iha areá ne’ebé aas Ainaru, zona sul nian mak munisípiu Manufahi, zona norte nian mak Munisípiu Baucau, nune’e bele namkare iha Timor laran tomak.” Nia haktuir
Iha fatin hanesan Decano Faculdade Agricultura, Vicente de Paulo Corriea hateten, ita servisu hamutuk ho CDU maibé projetu ne’e realiza husi ACIAR nune’e ita servisu hamutuk ho sira liu-liu iha area kapasitasaun bele peskiza no haruka ema ba eskola iha rai liur
“Projetu ne’e enovolve mós funsionariu na’in 3, ba area tolu ne’ebé diferente hanesan soil Science kona-ba agronomia no sosiu ekonomia. Aleinde ne’e mós kada tinan ita-nia estudante finalista sira husi Fakuldade Agrikultura na’in sanulu-resi-haat (14) tenke halo peskiza kona-ba topiku ne’ebé relevante ho programa ba projetu refere.” Dehan Decano Faculdade Agricultura, Vicente de Paulo Correia
Nia hatutan maibé iha parte seluk ida sira mós fó bolsu estudu ba projeitu ne’e dotoramentu no mestradu ida, maibé barak liubá iha kapasitasaun nian kona-ba treinamentu rutina halo akompañamentu ba estudante sira ne’ebé halo peskiza iha baze nune’e bele hasa’e koñsementu barak iha programa ne’e rasik
Esplika klaen liután katak liuhusi programa ne’e atu hasa’e produtividade servisu iha toos ba produsaun sustentavel nutrisaun no lukru moris inkluzivu iha Timor-leste, tarjeitu ba programa liuhusi projetu ne’e atu fó benefísiu ba agrikultor sira iha munisípiu tolu Baucau, Ainaro no Manufahi.
Reportajen : Nelfiano
Foto : Nelfiano