Dili 25 Setembru 2024 (Media Democracia)– Asosiasaun HAK servisu hamutuk ho parseriu WaterAid realiza Dialogu nasional ho tema” Esforsu ba Planeamentu Investimentu no Advokasia ne’ebé Integradu ba melloramentu sistema Bee, Saneamentu nomós Ijiene Rurais, iha salaun City 8 Manleuana
Diretor ezekutivu HAK Feliciano de Araujo, hateten objetivu prinsipal ba atividade dialogu hodi halibur ideia foun husi diretór SEMASA munisípiu sira, aleinde ne’e hodi halo parseiru ho autoridade lokál sira kona-ba komunidade iha área rurál ne’ebé sei falta Bee nomos no saude higenia.
“Ha’u hanoin HAK hanesan Asosiasaun ida ne’ebé servisu haree liubá direitu umanu nomos no Bee moos tinan naruk ona HAK hetan apoiu ka tulun kolabora servisu hamutuk ho WaterAid ba iha programa refere daudaun ne’e Asosiasaun HAK la’os servisu mesak HAK hanesan mos membru Plataforma Nasional Besi Timor-Leste (PNBSTL) ne’ebé haree kona-ba Bee moos saneamentu no saude higenia.” Informa Diretor ezecutiva HAK Feliciano de Araujo
Nia hatutan HAK sei servisu hamutuk ho organizasaun sira seluk hanesan Fongtil, Permatil hodi akumula ideia kona-ba deskobrementu sira ne’ebé HAK hala’o durante ne’e kona-ba Bee moos no governu bele propoin hodi aloka osarmentu liuhusi sekretariadu eletrisidade agua no saneamentu nian bele tau orasamentu ida ne’ebé adekuadu hodi diskute iha parlamentu nasional depois lori ba iha realizasaun planu asaun konkreta ba bee no saneamentu.
Iha biban ne’e Vise Primeiru Ministru no Ministru Koordenador Asuntu Sosial, Mariano Assanami Sabino, hateten dialogu ne’e importante tebes tanba partisipa diretamente husi autoridade lokal sira, ajensia internasional, NGO nasional hodi diskute kona-ba utilizasaun Bee moos no saneamentu.
“Ha’u hanoin asuntu ne’e importante tebes bele halo utilizasaun ba Bee moos no responsabilidade boot ba komunidade sira haree liubá utiliza bee iha komunidade nia leet bele sente sentidu pertense oinsá bele jere Bee moos ne’e ho di’ak”. Dehan Vise Primeiru Ministru no Ministru Koordenador Asuntu Sosial, Mariano Assanami Sabino
Nia afirma katak tenke iha esforsu ne’ebé makaas nune’e bele iha barajen tanba ne’e importante tebes atu akumula ka konserva Bee moos maibé dadaun ne’e iha ona ekipa lubuk ida mak lao hela ba kuda Bee moos ne’e importante tebes atu nunee bele hamoris fila fali bee matan sira hodi hamenus pursentu ba komunidade ne’ebé seidauk asesu ba bee moos iha munisípiu.
“Ha’u mai partisipa iha dialogu ida ne’e importante tebes no hanesan governu sei hein resultadu husi parte hotu-hotu ne’ebé ohin mai hala’o dialogu hamutuk iha fatin ida ne’e tanba ohin dialogu ne’e partisipa husi NGO sira ajensia internasional no nasional iha mós autoridade sira inklui mos husi ministeriu ne’e rasik.” Dehan nia
Esplika klean liutan kona-ba atividade ohin dialogu refere partisipa liuhusi Vice Primeiru Ministru Koordenador Asuntu Sosial, Ajensia internasional sira no organizasaun naun governamentál hanesan Fongtil nomos HAK, Membru Governu, Autoridade Lokal liuhusi munisípiu Bobonaru, Baucau nomos Dili.
Reportajen : Domingas
Foto : Domingas