Dili, 19 Novembru 2024 (Média Democracia) – Plataforma Nasional Bee Saneamentu no Ijiene Timor-Leste (PN-BESI-TL), hamutuk ho Forum ONG Timor-Leste, realiza Semináriu ba “Selebrasaun Loron Mundial Sentina Tinan 2024 GLOBAL TOILEST A PLACE FOR PEACE NO TEMA NASIONAL” Sentina ne’ebe dignu sai fatin hakmatek ba familia.” Atividade ne’e realiza iha Kampuz Fakuldade Ciensia Sosiais Kaikoli.
Tuir Koordenador Plataforma Nasional Bee Saneamentu no Ijiene Timor-Leste (PN-BESI-TL), Januario Amaral de Jesus hateten, loron 19 de Novembru sai hanesan loron Mundial ba Sentina loron ida ne’e importante tebes ba Nasaun Sub-dezenvomentu
“Loron ohin importante tebes ba nasaun sub-dezenvolvimentu, ne’ebé nasaun hotu kuaze tau importansia hodi selebra loron mundial sentina atu nune’e bele kontinua fahe informasaun ka konsesiliza sidadaun sira inklui mós entidade relevante sira, atu bele tau importansia ba asuntu sentina. Tanba hatene katak iha nivel politika planu no programa lubuk ida, ne’ebe ministeriu trasa ona no Ministeriu Saúde iha mós planu estratejia sira ne’ebe governu trasa ona, oinsa atu kontinua esforsu atu bele atinji planu no programa hirak ne’e. Aleinde ida ne’e oinsa planu atu bele too iha palnu programa atinjimentu estratejiku, president mós ema hotu nia kontribuisaun. Tanba ne’e mak atividade refere realiza iha Kampuz ne’e, universitariu sira hola sira nia papel importante tebes iha prosesu ida oinsa halo advokasia tanba sira iha papel boot ida, control sosial, transforma no halo advokasia ba komunidade sira, iha nivel no Suku, Aldeia, nomos sira hola papel halo advokasia ba ema foti desizasun sira.” Dehan Koordenador Januario Amaral iha Kaikoli
Nia hatutan liután katak bainhira atu depan sentina ne’ebe dekuadu no inkluzivu iha fatin ne’ebé ijiene lasees husi fornesimentu bee ne’ebé adekuadu, bainhira la iha bee ne’ebé adekuadu susar tebes atu garantia sentina kasaneamentu mellora no inkluzivu Ijiene. Husu nafatin ba komunidade sira atu bele idak-idak konstrui sentina iha idak-idak nia uma, kontinua husu mós ba entidade relevante sira kontinua garantia fornesementu bee ne’ebé adekuadu ba familia sira atu nune’e bele garatia fornesimentu bee hodi garantia Ijiene ne’ebe diak.
Parte seluk tuir Vise-Dekanu Para Asuntus Peskiza Francisco Soares hateten, atividade ne’e atu selebra loron mundial Saneamentu, tanba saneamentu ne’e importante tebes ba moris loron-loron, nune’e Timor-Leste hasoru hela dezafiu boot ne’ebé haree husi aspetu kultural nian.
“Maioria Sosiedade dalaruma iha persepsaun oin-oin hanesan aspetu kultural, balun gosta so’e fo’er arbiru de’it. Tanba sentina ne’e importante atu evita violensia, tanba sosiedade sira akontese hela violensia Simbolika, bele mós akontese violensia fiziku. Nune’e atividade ida ne’e atu ajuda halo transformasaun iha sosial ida, ba sosiedade atu bele moris iha paz, harmonia no dame nia laran.” Dehan Francisco Soares
Nia Sublina liután katak, papel universitariu nian hanesan asuntus transformasaun atu habelar infromasaun sira ba komunidade no sosiedade sira, oinsa atu bele kuidadu papel boot ida, kontrolu sosial, transforma no halo dadus Saúde. Tanba sira iha advokasia ba komunidade sira, iha nivel no Suku, sira.
Sorin seluk tuir Diretor Ezekutivu Forum ONG Timor-Leste Valentim da Costa Pinto hateten, Bee ho Saneamentu ne’e nesesidade baziku ba sosiedade oinsa atu dezafia governu sira atu bele kontinua oferese kondisaun ne’ebé dignu ba sosiedade.
“Atividade ida ne’e oinsa atu dezafia ita-nia governu sira oinsa atu bele kria kondisaun ne’e kontinua oferese sentina ho dignu ba ita-nia sosiedade sira, atu bele Explora sira-nia rekursu hodi hatudu pratika di’ak ba sira-nia familia liuliu iha Saneamentu. Saneamentu ne’ e prefere ba familia uma kain ida-idak atu asesu naton ba fatin ne’ebe mak propriu hodi bele halo jestaun ba ita ema nia fo’er, entaun fator ida ne’ebe importante hodi bele asegura no fó oportunidade situasaun no determinasaun kontinua akontese atu bele asegura diretamente ba familia labarik sira.” Dehan Diretor Ezekutivu FOGTIL Valenti
Nia esklarese liután katak Bee ho Saneamentu hanesan fatores ida ne’ebé kontribui ba problema ida kontinua eziste, tanba limitasaun ba asesu bee no Jestaun ai-han sira ne’ebé la seguru nomos koñesimentu ne’ebe ladun diak, pratika saudavel sira ne’ ebé la kontinua hatudu ida ne’e kontribui ba problema mal nutrisaun kontinua eziste iha ita-nia rai
Reportajen : Tomas
Foto : Tomas