Dili 26 Novembru 2024 (Média Democracia) – Sekretaria Estadu ba Formasaun Profisionál no Empregu (SEFOPE), Asina MoU ho UN-WOMEN, hodi halo kooperasaun ho SEFOPE liuliu iha empodera feto sira oinsá bele prepara feto sira hodi bele partisipa formasaun hodi bele asesu ba Emprego. Atividade ne’e realiza iha salaun SEFOPE Caicoli.
Tuir Sekretariu Estadu formasaun Profisional no Empregu (SEFOPE), Rogério Araújo Mendonça hateten, WOMEN halo koopersaun oinsá atu empodera feto sira, tanba hare katak númeru ba taxa ne’ebé haruka traballadores ba servisu iha rai li’ur sira hanesan Korea ne’ebé ho númeru ki’ik.
“Númeru ba taxa ne’ebé haruka traballadores ba servisu iha rai li’ur sira hanesan Korea ne’ebé ho númeru ki’ik, kompara ho Austrália Jepaun hanesan iha Korea ne’e númeru ne’ebé kiik entaun oinsá sira hakarak atu bele reforsa fila-fali iha programa mobilidade laboral atu bele hasa’e númeru feto hodi partisipa iha programa mobilidade laboral ne’e ho balansu ho mane tenke hanesan, oinsá atu bele apoiu feto sira atu sai mós hanesan sira empredorismu no oinsá sira bele loke negósiu sira iha fatin sira ne’ebé deit, Iha rurais ho nune’e kiik depois ami halo konsultasaun publiku ho UN-WUMEN vantajen mai iha sepofe iha, maibé iha asina nota dentendimentu ida ne’e mós ita seidauk sita númeru ou osan ruma ne’ebé ita presiza atu halo kooperasaun, tanba ida ne’e ha’u husu nafatin ba Diretor Jerál Servisu Kooperativu nomos Diretor Rekursu humanu ne’ebé haree kona-ba iha asuntu igualdade jéneru, ha’u hanoin servisu hamutuk nafatin ho UN-WOMEN liuliu ba iha empodera feto oinsá atu bele hakbiit feto kompetensial sira iha area rurais.” Dehan SEFOPE Rogério Araújo iha Caicoli
Nia Salienta liután katak, nafatin servisu hamutuk ho UN-Women ho Direitor Nasional Emprego Estranjeiru kontaktu mós UN-Women hodi haree kona-ba mobilidade laboral, ida ne’e importante tebes no balansu ne’ebé hanesan.
“Ohin ha’u dehan númeru parte feto ne’ebé partisipa programa mobilidade laboral ba rai li’ur númeru ida ne’e sira haree pretajen kiik, entaun oinsá atu bele hakbiit kompetensial sira ba hodi bele asesu formasaun, asesu ba Empregu rai laran nomos asesu ba iha Empregu rai li’ur.” Dehan Nia
Nia hatutan tan katak, oinsá sira bele mós sai ba feto sira ne’ebé hala’o negósiu kiik iha ida-idak nia área ruarais ba, entaun ida ne’e parte diresaun nasional Emprego ita-boot sira kontaktu servisu hamutuk nafatin ho UN-Women maka iha komitmentu ne’ebé aas tebes hodi hakarak suporta SEFOPE liuliu ba iha área sira ne’ebé ohin ha’u hateten ona ba.
Iha parte seluk tuir UN-WOMEN Timor Leste Amy Nishtha Satyam hateten, ohin loron marka pasu-bo’ot ne’ebé signifikante iha ita-nia viajen koletivu ba igualdade jeneru no feto-nia empoderamentu. Asina nota entendimentu ida-ne’e hamutuk ho entidade ba igualdade jeneru husi Nasaun Unidas no Empoderamentu Feto nian (UN-Women) hanesan testamentu ba iha ita nia partilla komitmentu atu kria ekuitativu no inklusivu ne’ebé liubá Timor-Leste.
“Liuhusi parseiru ne’e, ami mai ho objetivu atu, Hakbiit Feto Ekonómikamente, Hodi fó asesu ba feto sira iha formasaun profisionál barak liután, oportunidade empreendedorizmu, ita sei fó kbiit ba sira atu kontribui ba ita-nia nasaun nia kreximentu ekonómiku. Promove Igualdade Jéneru, ami sei servisu hamutuk atu dezafia estereótipu jéneru no diskriminasaun, hodi garante katak feto no labarik-feto sira iha oportunidade hanesan iha aspetu hotu-hotu kona-ba moris nian. Hametin Partisipasaun iha Forsa Traballu, Hodi investe iha abilidade no kapasidade feto nian, ita sei hasa’e sira-nia partisipasaun iha forsa traballu no kontribui ba ekonomia ida-ne’ebé produtivu no reziliente liu. Asina nota etendimentu ida-ne’e trasa enkuadramentu ida ne’ebé komprensivu ba kolaborasaun no foka ba iha área sira hanesan, Seguransa Ekonomia, ami sei serbisu atu rekoñese no valoriza serbisu kuidadu nian, setór ida ne’ebé domina husi feto sira, no promove polítika sira ne’ebé apoia kuidadu-na’in sira.” Dehan Amy Nishtha Satyam, iha Caicoli.
Nia hatutan tan katak Formasaun Profisionál, sei habelar asesu ba programa formasaun profisionál ho kualidade ba feto sira, hodi ekipa sira ho abilidade sira ne’ebé presiza atu hetan susesu iha forsa traballu.
“Serbisu Sazonál no Mobilidade Traballu, ita sei asegura katak feto sira iha oportunidade hanesan atu partisipa iha programa empregu iha rai-liur, enkuantu salvaguarda sira nia direitu no moris-di’ak. Advokasia Polítika, Ami sei halo advokasia ba polítika sira ne’ebé promove igualdade jéneru no empoderamentu ekonómiku feto nian, tantu iha nivel nasionál no internasionál.” Dehan Nia
Nia espika liután liuhusi servisu hamutuk, ita bele kria futuru ida ne’ebé nabilan liubá feto no labarik feto Timor-oan sira hotu. Parseria ida ne’e maka instrumentu ida ne’ebé maka’as atu lori mudansa pozitivu no harii sosiedade ida-ne’ebé justu no ekuitativu liu. hakarak hato’o mós agradesimentu sinseru ba UN-Women ba sira-nia kompromisu ne’ebé la nakdoko ba igualdade jéneru no empoderamentu feto. Hamutuk ita sei halo impaktu ida-ne’ebé dura ba feto no labarik-feto Timor-oan sira ne’ebé ita sura la bele.
Reportajen : Tomas
Foto : Tomas