Dili, 03 Dezembru 2024 (Média Democracia) – Selebrasaun loron Mundial ba ema ho defisiensia iha Timor-Leste tinan 2024 ho tema Mundial “Haforsa Lideransa ema ho Defisiensia ba Futuru ne’ebé inkluzivu no Sustentavel” nune’e ho tema nasional “Empodera Ema ho Defisiensia liuhusi implementasaun planu asaun nasional ba Ema ho Defisiensia ba Periodu 2021-2030 hodi atinje dezenvolvimentu ida ne’ebé inkluzivu no sustentavel iha Timor-Leste” Atividade ne’e realiza iha Ministériu Juventude Arte no Kultura
Tuir reprezentante Ministériu Solidariedade Sosial no Inkluzaun (MSSI) Diretora Ezekutiva Institutu Nasional Seguransa Sosial Maria Antonia Siqueira Gusmao hateten, loron 3 fulan dezembru 2024 sai loron importante ba ema ho defisiensia hotu iha mundu tomak inklui Timor-Leste. Iha 1992 Organizasaun Nasoes Unidas (ONU) dekreta loron 3 fulan dezembru sai hanesan loron importante hodi selebra fundamentu direitu ema ho defisiensia.
“Objetivu prinsipal husi loron selebrasaun ne’e atu promove no hasae koñesimentu publiku kona-ba direitu fundamental ema ho defisiensia, akresenta mós obstakulu sira ne’ebé hasoru iha bareira ida antes atu hakat liu.Tanba ne’e atu promove partisipasaun ema ho defisiensia iha aktividade hotu-hotu hanesan iha familia, komunidade no sosiedade presija hamenus no halakon deskriminasaun hasoru ema ho defisiensia, tanba ne’e tenki mobiliza hodi apoiu atu dignifika direitu ba bem-estar ema ho defisiensia. Iha 2024 governu liuhusi Ministeriu Solidareidade Sosial Inkluzasaun lidera no kordena hodi lidera halo ba selebrasaun loron espesial ida ne’e iha nasional Munisipiu, Zona Atauro inklui RAEOA.” Dehan Reprezentante Ministériu Solidariedade Sosial no Inkluzaun (MSSI) Diretora Ezekutiva Institutu Nasional Seguransa Sosial Maria Antonia Siqueira Gusmão iha MJDK.
Nia informa liután katak, Iha 2012 governu aprova politika nasional ba promosaun no protesaun direitu ema ho defisiensia.
“Iha tinan 2014 to’o 2018 implementasaun planu asaun nasional ba ema ho defisiensia nu’udar faze primeiru maske la hatudu rezultadu pozitivu, maibé governu nafatin aprende hodi hadia iha tempu seluk. Iha tinan 2019 MSSI kria sekretariadu ida hodi lidera prosesu no hakerek planu asaun nasional ba ema ho defisiensia periodu 2021 ate 2030. Iha planu asaun ne’e hakerek to’o finaliza MSSI involve reprezentate ema ho defisiensia hotu-hotu inklui feto ho definisia iha Timor-Leste. Ba prosesu dezenvolvimentu planu asaun nasional ba ema ho defisiensia periodu 2021 to’o 2030 sai iha partika ne’ebé di’ak ba setor dezenvolvimentu hotu-hotu. Prosesu dezenvolvimentu ne’e partisipativu tebes no inkluzasaun tanba envolve reprezentate husi tipu defisiensia hotu-hotu. Komesa 2021 implementasaun planu asaun ne’e ate ohin loron atinjimentu husi Ministeriu balu lao naton ona.” Dehan Nia
Nia Salienta liután, Ministeriu Edukasaun no Ministeriu Ensino Superior apoiu Estudante ho defisiensia sira atu bele asessu ba estudu hodi aprende hanesan sira seluk. Ministeriu Saude mós iha nia programa ida naran saude na-familia iha livrinu espesial ba ema ho defisiensia atu bele asessu ba fasilidade saude. MSSI rasik husi sentru nasional reabilitasaun no kobertura nasional ho INSS ba Pagamentu pensaun sosial ba ferik ho katuas inklui mós ba ema ho defisiensia ne’ebé la iha kapasidade fizika no mental atu servisu, nune’e mós bolsa da mae kondisional tau atensaun espesial ba estudante sira ne’ebé defisiensia asistensia umanitaria no apoiu pontual ba sira.
Parte seluk Tuir Diretor Ezekutivu Asosiasaun Difisiensia Timor-Leste (ADTL), Cesário da Silva informa katak, atividade ida ne’e hodi selebra loron Mundial ba ema ho Difisiensia iha Timor-Leste.
“Atividade ida ne’e hodi selebra loron Mundial ba ema ho Difisiensia iha Timor-Leste, hahu halo selebrasaun ema ho Difisiensia iha loron 3 fulan Dezembru iha tinan 2008, loron ida ne’e sai importante tebes hodi destreza hamutuk ho maluk Difisiensia sira, ne’ebé ho tema espesifiku, Hakbiit no haforsa Ema ho Difisiensia iha lideransa ba futuru sustentável no inklusivu, ho tema ida ne’e atu hafanun no empodera liután ema ho Difisiensia sira hotu. Selebrasaun ida ne’e lidera maximu husi governu liuhusi Ministériu Solidariedade Sosial no Inkluzaun no servisu hamutuk ho Autoridade Munisipiu Dili, nomos Oragnizasaun sira liu-liu servisu ba ema ho Difisiensia iha Timor-Leste, hodi organiza atividade refere atu nafatin valoriza ema ho Difisiensia iha Timor-Leste.” Dehan Diretor Ezekutivu Asosiasaun Difisiensia Timor-Leste (ADTL), Cesário da Silva iha MJDAK
Nia informa tan Iha atividade refere ema ho Difisiensia partisipa total hamutuk 3 Mill ital, maibé iha mobilizasaun ema hamutuk 5.000 mak partisipa iha selebrasaun ida ne’e.
“Iha atividade refere hetan apoiu orsamentu husi governu liuliu Ministériu Solidariedade Sosial no Inkluzaun ho total orsamentu 10 Mill no 4 Mill mai husi Australia iha Timor-Leste, total 14 Mill hodi organiza ba atividade durante loron rua nia laran. Esforsu ida ne’ebé prinsipal liu hodi kontinua luta ba Inkluzaun Difisiensia, signifika katak, Keta husik ema ida iha kotuk, liuliu prosesu dezenvolvimentu nasional envolve mós ema ho Difisiensia sira atu garantia katak lian ho ema Difisiensia atu prosesu dezenvolvimentu nian lao atu Timor Leste bele atinji sustentável no inklusivu, próspero rezelenti ba sidaddaun hotu inklui sidadaun ema ho Difisiensia.” Hatutan Diretor Ezekutivu Asosiasaun Difisiensia Timor-Leste ADTL
Nia esklara mesanjen prinsipal ba ema ho Difisiensia iha territóriu laran tomak katak, ita iha prosesu ba faze dezenvolvimentu nian situasaun no Kondisaun sira seidauk apar ho ita-nia situasaun kondisaun Ema ho Difisiensia sira, tanba ne’e ita tenki infrenta barreira ida ne’e hodi esforsu aan tenki brani, forte hodi kontinua luta ba Inkluzaun Sosial hahú husi uma laran no sosiedade Presiza konsidera no respeitu ema ho Difisiensia sira.
Reportajen : Tomas
Foto : Tomas