Dili 14 Outobru 2024 (Média Democracia) – Universidade Nasional Timor Lorosa’e (UNTL) liuhusi Fakuldade Agrikultura realiza komunikadu Imprensa hodi halo klarifikasaun publiku ligadu ho dosente lakohi fó aula ba estudante ativu no finalista, komunikadu imprensa ne’e realiza iha Fakuldade Agrikultura UNTL Dili.
Reprezentante porta-voz, Jésia da Silva Gusmão Ximenes, esklarese ohin Asosiasaun Akademika Estudantil Fakuldade Agrikultura (AAE-FAGRI) realiza Komunikadu Imprensa ida-ne’e hodi halo esklaresimentu, ba korpu Dosente sira iha FAGRI ne’ebé sente ofendidu ho liafuan “Malandru” hodi prejudka ba dosente lakohi fó aula ba estudante sira durante loron hirak liubá iha Fakuldade Agrikultura.
“Ami-nia respeitu ba Karísimus Sivitas Akadémikas no Povu Doben Timor-Leste, Asosisaun Akademika Estudantíl Fakuldade Agrikultura, hakarak atu esklarese klaru ba públiku katak, panlitu ho liafuan katak “sei la tolera dosente malandru iha Fakuldade Agrikultura.” Dehan Reprezentante porta-voz, Jésia da Silva Gusmão Ximenes
Nia hatutan liután katak liafuan ida ne’e iha intensaun atu sama atensaun ba dosente sira hotu iha Fakuldade Agrikultura katak labele kria ka halo tan sei la tolera ba aktus hanesan problema ne’ebé akontese iha Departamento Pescas Marmalandru iha FAGRI.
Esplika kle’an liután katak karízimu dosente hotu-hotu ne’ebé hamahan aan iha Fakuldade Agrikultura haree ba públiku balun ne’ebé ladun satisfas ho liafuan malandru inklui dosente sira seluk iha Fakuldade Agrikultura, tanba konsidera Asosisaun Akademika Estudantil Fakuldade Agrikultura ne’ebé jeneraliza liafuan ba dosente hotu-hotu no liafuan ne’e ofende tebes nune’e Asosisaun Akademika Estudantil Fakuldade Agrikultura, hato’o deskulpa ba dosente hotu iha Fakuldade Agrikultura liuhusi rekoñese aan ida ne’e bele hetan perdaun ba liafuan refere.
Reportajen : Nelfiano
Foto : Nelfiano