Dili, 07 Abril 2025 (Média Democracia) – Autoridade Protesaun Civil (APC) liuhusi ekipa Gabinete Relasaun Externa no Komunikasaun (GREK), relata dadus semanal kona-ba akontesimentu dezastre naturais iha Timor-Leste, durante semana rua nia laran, konferénsia ne’e hala’o iha salaun APC Caicoli Dili
Tuir Xefe Gabinete Relasaun Externa no Komunikasaun (GREK) , Nelson Nunes Orleans, hateten, Autoridade Protesaun Civil rejistu kazu dezastre ba numeru ema afetadu hamutuk atus-rua ualunulu (280) iha semana ne’e nia laran husi 24-31 Marsu, kauza husi mudansa klimatika ho tipu ne’ebé diferente.
“Durante semana ida ne’e nia laran husi loron 24 to’o 31 Marsu dazatre ne’ebé akontese iha Timor-Leste normal maibé ho tipu dezastre hanesan anin-boot sobu-uma (5) priense kriteria (6) ahi han-uma 2 no bee sae uma (46) apoiu emerjensia (53) numeru ema afetadu hamutuk (280), ema evakua ba fatin seguru hamutuk nain 10, kanek ida no mate ida.” Dehan Xefe Gabinete Relasaun Externa no Komunikasaun (GREK) , Nelson Nunes Orleans
Nia hatutan iha Munisípiu Baucau ahi-han uma 1, Munisípiu Bobonaro ahi-han uma 1, Munisípiu Likisa anin-boot sobu uma 2, Munisípiu Viqueque anin-boot sobu uma 1, Rejiaun Espesial Oe-cusse Ambeno RAEOA anin-boot sobu uma 2 no ahi-han uma 2, bee sae uma 46, ahi-han uma 2 ema kanek 1 no lakon vida 1, kazu ne’ebé akontese iha Munisípiu ho tipu diferente.
“Iha semana daruak nian iha loron 31 marsu to’o 07 abril Autoridade Protesaun Sivil rejistu kazu dezastre hanesan anin-boot sobu uma (5), ahi-han uma (5), bee sae uma (9), priense kriteria (5), apoiu emerjensia (8), numeru ema afetadu hamutuk (105) ema evakua ba fatin seguru hamutuk (32) dadus hirak ne’e akontese iha semana daruak nian.” Dehan nia
Nia afirma kazu dezastre ne’ebé akontese iha Munisípiu Baucau anin-boot sobu uma 1, Munisípiu Bobonaro anin-boot sobu uma 1, ahi-han uma 1 no ema lakon vida na’in ida, Munisípiu Lautem ahi-han uma 2, Munisípiu Likisa anin-boot sobu uma 1 no ahi-han uma 1, Munisípiu Viqueque anin-boot sobu uma 1 no ahi-han uma 1, inklui RAEOA anin-boot sobu uma 1, bee sae uma 9, dezastre akontese iha semana daruak.
“Daudaun ne’e komandu Autoridade Protesaun Civil ne’ebé destakadu iha Munisípiu sira hamutuk ho nia parseiru relevante fornese asistensia emerjénsia ba familia afetadu sira ba dezastre naturais hanesan ai-han no laos ai-han (Food item & non-food item).” Nia haktuir
Nia informa daudaun ne’e Komandu Operasional Autoridade Protesaun Sivil (APC) destakadu iha Munisípiu sei kontinua halo levantamentu detaillu kona-ba sasan ne’ebé estragu no lakon.
Esplika liután Komandu Operasional Autoridade Protesaun Sivil ne’ebé destakadu iha Munisípiu kontinua hodi halo levantamentu detaillu kona-ba sasan ne’ebé estragu no lakon, nune’e hodi halo verifikasaun tuir tipu dezastre ida-idak nian ba kazu dezastre ne’ebé akontese iha semana rua nia laran.
Reportajen : Nelfiano
Foto : Nelfiano