Dili, 08 Abril 2025 (Média Democracia) – Boxista Timor-oan husi Club Maubere Puru ba tuir eventu Versus Brawl Bali Danpasar Indonesia, iha loron 05 Abril 2025, iha jogu ne’e konsege halakon boxista Indonesia hodi sai manan nain iha eventu refere no ohin to’o hikas Timor-Leste.
Tuir Treinador Sebastão da Silva hateten, boxista Club Maubere Puru aranka husi Timor-Leste iha loron 01 Fulan Abril 2025 hodi ba tuir enventu iha Bali danpasar Indonesia aleinde tuir eventu ne’e sai hanesan manan nain ba eventu refere hodi hamorin Timor-Leste nia naran iha mundu.
“Iha ronde dahuluk boxista husi Indonesia nian konsege hamonu boxista Raimundu maibé nafatin fiar-an maske hasoru failla sira ne’e tanba husi Club Maubere Puru foin dalahuluk tuir eventu sira hanesan ne’e iha rai liur inklui preparasaun mós sei menus.” Dehan Treinador Sebastão da Silva
Nia hatutan maibé realidade tama fali iha segundu ronde ekipa komesa muda estratejia foun entaun ita-nia boxista konsege halakon boxista Indonesia nian ho KO hafoin sai hanesan manan nain iha eventu refere.
“Eventu refere realiza iha Bali Danpasar Indonesia ho naran Amprof katak Amatir-Profisional entaun Club Maubere Puru hetan karta konvite husi ekipa Bali ne’ebé hodi partisipa iha eventu refere, agraese tanba ita-sai hanesan manan nain.” Dehan nai
Nia informa ba futuru sei prepara di’ak liután ita-nia boxista refere tama iha hotu kampionatu ASIA GAMES tanba ne’e liuhusi eventu ki’ik sira hanesan ne’e ita presiza prepara nia mentalidade no fiziku oinsa bele muda nia kapasidade ne’ebé profisional, nune’e ba futuru labele lakon oportunidade hodi tuir kampionatu Asia Games hodi hamorin Timor-Leste nia naran iha mundu.
Iha fatin hanesan Boxista manan nain, Elisio Raimundo Gaio hateten, sente kontente tebes hodi agradese ba natureza Timor-Leste ba familia liu-liu ba ekipa Club Maubere Puru ne’ebé suportu hodi ba tuir eventu iha Bali Danpasar Indonesia no sai hanesan manan nain.
“Ha’u sente orgullu tebes ba natureza Timor-Leste ne’ebé akompaña ona ha’u liu-liu ba familia sira hotu nia orasaun agradese mós ba ami nia Club Maubere Puru ne’ebé delega ona ha’u hodi ba tuir kompesitasaun iha Bali Danpasar Indonesia ho susesu sai hanesan manan nain iha eventu refere.” Dehan Elisio Raimundo Gaio
Nia hatutan liuhusi eventu ida ne’e ba futuru sei prepara-aan di’ak liután, nune’e bele ba tuir kompetisaun iha rai seluk no bele lori nasaun Timor-Leste ba mundu.
Mensajen ba maun-alin boxista sira hotu tenke prepara-aan didiak no kuidadu-aan labele mete iha krime oioin, tanba buat hotu disiplina mak importante, bele inklina-aan iha area desportivu liu-liu iha area boxista, nune’e ba futuru bele lori ita-nia rai doben Timor-Leste ba mundu.
Esplika liután Club Mubere Puru durante ne’e hetan apoiu husi Governu liuhusi Ministeriu Joventude no Desportu Arte no Kultura (MJDAK) ho montante $3.mill dolar. Aleinde ne’e agradese mós ba doador sira hotu nia suporta, buat hotu lao ho susesu fiar katak futuru sei ita hotu hamutuk sei lori Timor-Leste ba mundu.
Reportajen : Nelfiano
Foto : Nelfiano
Editor : Jp.Costa