Dili, 15 Novembru 2024 (Média Democracia)– Forum Organizasaun Non-Governamental Timor-Leste (FONGTIL), hamutuk ho ONG Lokal, Nasional no Internasional hamutuk 220, realiza Enkontru Jeral Anual iha 2024, ho tema importante “Promove Akontabilidade Sosial no Valór Sosiedade Sivil, Garante Moris Di’ak ba Povu hodi Kontribui ba Dezenvolvimentu Nasionál” iha futuru, atividade ne’e realiza iha salaun Canossa Has-laran Manleuana Dili, sexta semana ne’e
Tuir Diretor FONGTIL Valentim da Costa Pinto, hateten atividade ba loron ohin kada tinan sempre hala’o hamutuk ho membru ONG sira, ho objetivu atu partilla relatoriu anual 2024 ba membru sira bele hatene, hodi promove nafatin akontabilidade iha rai-laran.
“Ami realiza atividade ne’e ho objetivu atu apresenta relatoriu anual iha tiana ne’e ba membru sira, hodi partilla informsaun sira relevante ho topiku ne’ebé ami promove ba tinan ne’e oinsá bele haforsa servisu durant ne’e hala’o, hodi promove boa governasaun akontabilidade no transparansia servisu sira. Aleinde ne’e ami mós sei kria palnu oinsá ekipa sosiedade sivil, liu-liu FONGTIL ho nia membru hanesan parseiru iha estratejiku prosesu estadu no konsolidasaun prosesu demokrasia iha Timor-Leste.” Dehan Diretor FONGTIL Valentim da Costa Pinto ba Jornalista sira iha Salaun Canossa Has-laran Manleuana Dili
Nia hatutan liután katak relasiona ho atividade enkontru Jeral Anual FONGTIL ba tinan 2024 nian ne’e apoiu maximu liuhusi Gabinete Apoiu Sosiedade Sivil, hodi apoiu ba mandatu haat importante ne’ebé FONGTIL ho ONG sira sempre realiza kada tinan iha rai laran.
“Iha tinan 2024 FONGTIL hetan apoiu mai husi GASC hamutuk Rihun Ida Atus Sanulu, nune’e osan hirak ne’e, hodi apoiu ba mandatu haat importante ne’ebé kada tinan sempre realiza iha rai laran. Mandatu haat ne’e sira hanesan Dezamina informasaun, hodi Haforsa koordenasaun servisu ho entidade hotu halo advokasia no empoderamentu.” Dehan Diretor FONGTIL
Diretor FONGTIL esplika kle’an liután katak membru aktual hamutuk (286) ho nune’e membru ne’ebé konfirmadu ohin hotu-hotu marka prezensa iha enkontru jeral annual FONGTIL 2024 hamutuk 220. Atividade ne’e apoiu mós husi Uniaun Europeia osamentu montante tres mil ital dolar, ne’ebé sira finansia ba FONGTIL hodi realizaba atividade refere.
Reportajen : Nelfiano
Foto : Nelfiano