Dili, 21 Novembru 2024 (Media Democracia) – Konsellu Imprensa (KI) hamutuk ho Sekretariu Estadu Komunikasaun Sosial (SEKOMS) sei estabele asina akordu kooperasaun servisu entre Jornalista no Polisia Nasional Timor-Leste (PNTL) atividade asina akordu ne’e hala’o iha salaun enkontru KI, Quintal Boot Dili
Tuir Prezidente Konsellu Imprensa (KI), Otelio Ote, hatete iha diskursu katak eventu ida ne’e imoprtante teb-tebes sai hanesan istoriku relasaun instituisional entre asina akordu kooperasaun servisu Konsellu Imprensa no Polisia Nasional Timor-Leste
“Ha’u hakarak relembra fila fali ba ita hotu kona-ba asistensia Konsellu Imprensa tanba KI estabelese bazea ba lei komunikasaun sosial numeru 5/2014 ho nia espiritu mai husi artigu 9 kompensaun Diretu Umanu artigu 40 no 41 iha konstituisaun Republika Demokratika Timor-Leste ne’ebé estalese iha 2016 too agora ho ualu.” Dehan Prezidente Konsellu Imprensa (KI) Otelio Ote
Prezidente KI hatutan iha tiana da-ualu ida ne’e haree meiu komunikasaun sosial buras tebes jornalista sira mós buras tebes ne’ebé hala’o knar nu’udar parte ida husi prosesu dezenvolvimentu nasional, haree meiu komunikasaun ne’ebé rejistu iha KI hamutuk 57 jornalista ne’ebé rejistu KI no atribui ona karteira profisioanal hamutuk ema 400. Numeru media no jornalista ida ne’e kontribui makaas ona bazeia ba papel media konvensional nu’udar meiu ida atu informa eduka kontrola no divertimentu
“Ami natureza husi KI nu’udar orgaun estadu ida independente iha aspetu akfinisaun no finanseiru. Depois KI mós bazea ba lei no dekretu lei ho kompetensia atu hametin tau importansia no atensaun ba kliente sira asesu informsaun tenke asegura katak iha liberdade imprensa no liberdade opiniaun tenke asegura jornalista sira atu hala’o knaar tuir padraun kodigu etika jornalista.” Dehan Prezidente KI
Nia salienta KI estabelese dialogu ho meiu komunikasaun sosial sira sosiedade sivil no instituisaun estadu. KI tenke asegura servisu hotu ne’ebé hala’o bazea ba lei ba profisaun Liberdade Imprensa no haburas demokrasia tanba ne’e iha 2019 KI koko atu hala’o komunikasaun no relasaun instituisional no PNTL
“ita hatete PNTL meiu komunikasaun sosial nu’udar instituisaun komunidade ida iha papel hanesan atu atinji sosiedade ida dignu, livre no responsalidade. Iha 2019 operasaun ida ne’e konsentra liubá sosializasaun meiu komunikasaun sosial. Iha tina hirak liubá presiza tebes atu eleva nota entendimentu ida ne’e lori benefísiu ba ita hotu laos ba jornalista sira maibé ba instituisaun PNTL no membru sira hotu atu asegura asistensia media no haforsa liberdade imprensa no asegura ispiritu partisipasaun komunidade ka sidadaun ba prosesu dezenvolvimentu no haburas demokrasia.” Hatutan Prezidente
Prezidente KI esplika liután ohin ita hotu marka prezensa iha ne’e sei sasain ba asinatura nota intendimentu ho intensaun atu servisu hamutuk ita rekoñese relasaun PNTL no kumunidade media espesial ba KI durante ne’e lao ho di’ak instituisionalmente maske pratika akontese disputa asuntu pratika jornalista no produtu jornalista inklui komunikasaun jornalistiku. Maibé ho nota intendimentu ida ne’e sei lori ita iha koñesimentu hamutuk intendimentu hanesan kona-ba meiu komunikasaun sosial pratika jornalista, oinsá PNTL atu atua kazu sira ne’ebé relasiona ho produtu jornalistiku
“Ha’u agradese tebes ba ekipa husi dajus konsellu imprensa nian no ekipa legal husi PNTL ita espera katak saida mak ita boot sira kontribuisaun ba asinatura nota intendimentu ohin loron sia mó benefísiu ba ita hotu nia servisu hamutuk ho seguru.” Prezidente KI informa
Iha fatin hanesan Sekretariu Estadu Komunikasaun Sosial SEKOMS, Espeditu Loro Dias Ximenes, hatete sente ksolok tanba Konsellu Imprensa no polisia Nasional Timor-Leste ne’ebé servisu hamutu hodi asina nota intendimentu nune’e bele servisu hamutuk ho seguru
“Objetivu prinsipal husi asina nota intendimentu oinsá bele hametin liberdade imprensa no liberdade expresaun tuir mandatu konstotuisional artigu 40 no 41 Kontituisaun Republika. Seremonia ohin nian atu hatudu ba públiku katak PNTL ho komunidade media sai parseiru estratejiku ne’ebé di’ak tanba PNTL nu’udar orgaun estadu nian hatun orden no seguransa iha publiku media KI nu’udar orgaun estadu nian ne’ebé independente regulador produtu jornalista Timor-Leste nian.” Dehan Sekretariu Estadu Komunikasaun Sosial SEKOMS, Espeditu Loro Dias Ximenes
Nia hatutan koalia kona-ba Liberdade imprensa no liberdade expresaun dalabarak ita honoin de’it mak liberdade atu entrevista ema ne’ebé halo negósiu iha merkadu too Prezidente Ripublika
“Jornalista iha nia forsa ida ne’e ho kompentensia ho forsa sosial ne’ebé boot iha liberdade atu halo entrevista husi ema faan sasan iha dalan ninin merkadu no fatin oioin ba too iha prezidente Republika, maibé media nia funsaun prinsipal iha haat informa, eduka, divertimentu no kontral soasial.” Haktuir Sekretariu Estadu Komunikasaun Sosial SEKOMS
Nia salienta daudaun ne’e laos ona media konvensional ka plataforma digital online sira mak sai produtor ba informasaun maibé ho avansa teknolijia oras ne’e daudaun sidadaun hotu-hotu ne’ebé iha telfone androit ne’e mós sai produtor ba informasaun maibé laiha edisaun ne’ebé loos hodi hamosu dezinformasaun feitu no hoax
Saida bele akontese iha dezinformasaun iha Id falsu enatun iha ne’e servisu husi PNTL iha funsaun dalabarak hala’o hela hodi haree kona-ba dezinformasaun ne’ebé iha rai laran. Liuhusi asina nota intendimentu ida ne’e media halo servisu eduka, divertimentu no kontral soasial no PNTL asegura orden iha publiku
“Ha’u hanoin servisu hamutuk ida ne’e importante tebes ha’u hanoin sensibilizasaun iha akordu nia laran no nota intendimentu nia laran sei fó sai oragaun kominikasaun sosial ne’ebé iha nune’e publiku bele hatene bainhira mak PNTL ne’ebé servisu iha terenu bele atua no labele atua bainhira jornalista halo kobertura ba asuntu ruma.” Dehan nia
Iha sorin seluk Komandante Komisariu Jerál Polisia Nasional Timor-Leste, Henrique da Costa Belo, informa ohin momentu ne’ebé importante tebes iha instituisaun rua entre Polisia Nasional Timor-Leste no Kosellu Imprensa sei asina akordu kooperasaun hodi halo servisu hamutuk
“Asina nota intendiemntu ida ne’e iha 2019 too daudaun ita haree servisu lao di’ak tebes entaun ohin asina tan nota intendimentu maibé presiza aumenta tan pontu balun nune’e ekipa rua bele halo servisu di’ak liután iha futuru, ita hatene PNTL nia papel mós importante no media nia papel mos importante liu tanba iha situasaun ne’ebé PNTL labele tama maibé jornalista buka dalan oinsá bele tama foti informasaun hodi fó ba publiku bele asesu.” Haktui Komandante Komisariu Jerál Polisia Nasional Timor-Leste, Henrique da Costa Belo
Hatutan komisariu ita nafatin respeita ida-idak nia knaar maibé dalaruma ita tun iha terenu laiha komunikasaun no koordenasaun ne’ebé di’ak dalaruma mosu dezentendimentu entre polisia no jornalista tanba polisia lahatene papel servisu media nian no media m lahatene papel polisia nian nune’e hodi hamosu dezentendimentu.
“Akordu asina nota intendimentu buat importante mak sensibilizasaun iha formasaun ruma nune’e fasil ba media sira mos bele hatene kona-ba servisu PNTL nian no polisia bele hatene di’ak liután kona-ba papel media nian, nune’e ekipa rua sei esforsu sei realiza formasaun instituisaun rua ne’e tanba iha atividade seluk PNTL presiza media nia prezensa tanba media sai hanesan matan tilun tanba laiha media informasaun sei la fó sai iha públiku.” Esplika Komisariu Jeral
Komisariu jerál esplika liután espera katak asina nota intendimentu ida ne’e bele kesi metin di’ak liután instituisaun Polisia Nasional Timor-Leste no Konsellu Imprensa, hodi fó benefísiu ne’ebé di’ak. Xave impotante mak implementasaun husi akordu ne’e tenke kria komunikasaun ne’ebé di’ak bele rejolve no fó solusaun ba dezentendimentu ruma husi instituisaun rua ne’e ho di’ak.
Repotajen : Nelfiano
Foto : Nelfiano