Dili, 21 Setembru 2024 (Media Democracia) – Negosiante Klarina Soares Goncalves ho idade (27) husi Munisipiu Bobonaru daudaun ne’e hela iha maslidun hanesan feto Klosan ne’ebé husik hela Inan no Aman hodi mai buka Moris iha Dili hateten, atu hakmaan nesesidade familia tenke buka rasik osan, nune’e desidi fa’an sirgaru iha estrada ninin hodi bele selu kos no balun bele ajuda Inan Aman iha foho.
Nia dehan fa’an sigaru ne’e hanesan negosiu ki’ik-oan ida ne’ebé kria rasik hahu mai iha Dili antes kovid ne’e iha ona hanoin atu loke negosio rasik. Tan ne’e deside fa’an sigaru iha estrada ninin hodi bele hakmaan nesesidade lorloron nian nomos selu uma kos.
“Ha’u seidauk kaben, ha’u hela mesak, hela iha kos kada fulan tenke selu kos ho folin $25 uluk, ha’u fa’an sasan iha karosa, maibé saneamentu duni hela deit ba mai, entaun deside fa’an sirgaru iha estrada ninin deit, nunee sira duni karik hein foti deit sigaru, tanba uluk sei fa’an karosa ne’e sira duni susar los dalaruma dudu mak karosa deit, kadera ho meza sira ne’e saneamentu tula hotu tiha.” Lia hirak ne’e nia hato’o hafoin entrevista iha estrada ninin Tasi -Tolu
Nia hatutan sigaru ne’e ho folin ne’ebé la hanesan, entaun loron ida ema bele sosa $30 ba leten depende ba loron deit, dalaruma ema la sosa liu entaun nia fa’an to kalan mak fila uma lae fa’an fali to madrugada mak fila uma dala ida. Osan sira fa’an sigaru ne’e balun fó ba familia sira iha foho, balun sosa hahan, balun selu kos no balun sosa fali sigaru dalaruma
Reportajen : Domingas
Foto : Domingas