Dili, 29 Outobru 2024 (Média Democracia) – Autoridade Protesaun Civil APC realiza komemorasaun loron Mundial Risku Dezastre no Rekalibrasaun Estratejia Nasional ba Tinan Lima nian no Jestaun Risku Dezastre iha Timor-Leste, komemorasaun loron mundial risku dezastre ne’e realiza iha Hotel-Timor Dili
Sekretariu Estadu Autoridade Protesaun Civil, Domingos Mariano Reis hateten, Timor-Leste hanesan nasaun ida ne’ebé vulneral liubá dezastre naturais hanesan rai nakdoko, anin boot, rai halai, inundasaun, Tuir relatoriu risku index Timor-Leste tama iha risku nivel mediu ba dezastre no okupa ba dala hitu nulu-resin-lima (75) husi nasaun 191 iha mundu ida ne’e.
“Timor-Leste vulneravel liu iha kapital sosial no menus liu iha kapasidade konstituisional aleinde ne’e iha nivel infraestrutura iha risku dezastre naturais no klimatiku nian. Ita hotu hatene bazeia ba relatoriu banku mundial nian hatudu katak Timor-Leste anualmente sempre lakon nia rikusoin porvolta 5.9 milloes dolar amerikanu, relasiona ho kauza dezastre naturais nian.” Dehan Sekretariu Estadu Autoridade Protesaun Civil, Domingos Mariano Reis
Nia hatutan Iha 04 abril 2021 sai nu’udar referensia ida mai Timor-Leste katak lakon nia rikusoin barak husi 45 milloes dolar Amerikanu no lakon vida umanu nian hamutuk haat nulu-resin-lima (45) kauza liuhusi dezastre naturais ne’ebé ita infrenta, ne’e nu’udar evidensia kongreta iha nivel nasional.
“Ita presiza oinsá atu reforsa kapasidade ba preparasaun resposta no rekopera iha nivel nasional to’o nivel lokál Ministeriu Interior liuhusi Sekretariu Estadu Protesaun Civil ne’ebé integra ona ezistensia seguransa nasional ne’ebé hatudu ona iha lei seguransa nasional nian iha artigu 10 ne’ebé ho nia misaun atu proteje ba populasaun Timor-Leste ne’ebé ameasa husi dezastre no insidente grave.” Dehan nia
Nia salienta misaun ida ne’e todan tebes ba Timor-oan hotu tantu instituisaun publiku nomos instituisaun privadu sira APC toma responsabilidade ida ne’e hodi halo mudansa liuhusi dezenvolvimentu jestaun emerjénsia no risku dezastre nian ne’ebé sei estabelese liuhusi governasaun iha mandatu tinan-lima nia-laran ne’ebé sei tau prioridade liubá prevensaun no mitizasaun hodi halo mudansa ida ne’ebé efisiente no efitivu iha jestaun redusaun risku ba dezastre nian.
“Iha tinan lima nia laran bazeia ba planu estratejiku dezenvolvimentu nasional PDT husi 2011 too 2030 APC atu harii no rekor husi sistema seguransa protesaun civil liuhusi konellu protesaun civil ne’ebé delega ona nia mandatu setek nian sei kobre ba Rejiaun Administrativa Oecuse Ambenu no munisípiu 13 iha Timor-Leste.” Haktuir Sekretariu Estadu
Nia informa, presiza mós apoiu husi entidade publiku no privadu sira parseiru umanitaria no parseiru dezenvolvimentu nasional bazeia ba artigu 1 lei konstituisaun sivil nian iha misaun planea ordena no ezekuta orden politika governu nian bele responde ba preparasaun resposta no rekoopera ba kauza dezastre ne’ebé akontese iha Timor-Leste
“Iha tinan 2023 APC prepara ona dokumentu xave no hetan suporta husi organizasaun OIM Timor-Leste, dokumentus ida ne’ebé planu ho vizaun seguru no rejilente liu iha Timor-Leste objetivu husi forma kosellu nasional protesaun civil planea no ezekuta hodi responde ba dezastre naturais ida ne’ebé mais no efetivu tuir mandatu ne’ebé hatu’ur iha pontu fokal ba ministeriu ida-idak nian.” Nia Afirma
Esplika klean liután katak aprende liuhusi misaun sira uluk nu’udar prinspiu ida hodi dezenvolve planu ezensial no inkluzivu Timor-Leste nian iha tinan lima oin mai ita hotu nia kontribuisaun mak esperaransa Timor-Leste ida ne’ebé seguru husi risku dezastre iha Timor-Leste.
Reportajen : Nelfiano
Foto : Nelfiano