Dili 16 Outobru 2024 (Media Democracia) – Komunidade Aldeia Moris-foun Suku Comoro postu Administrativu Dom-Aleixu ne’ebé durante ne’e hela iha foho lolon preokupa tebes ho bee moos hodi fasilita ba presiza loro-loron nian
Tuir Januario Soares, hateten komunidade barak mak hela iha foho lolon maibé la asesu bee moos ho di’ak tanba bee ne’ebé utiliza loro-loron sai tuir oras ida-idak nian nune’e hodi fó impaktu atividade seluk.
“Bee moos ne’ebé durante ne’e ami uza ba presiza loro-loron nian ami tenke hein iha kalan boot tanba bee sai komesa husi tuku ualu too tuku sanulu kalan liuhusi ne’e ema tenke fali ba bairo seluk, karik ami laba hein entaun ami labele hetan bee moos, tanba iha bee matan ida komunidade barak mak ba kuru.” Dehan Januario Soares
Nia hatutan tan komunidade ne’ebé hela iha foho lolon barak liu estudante nune’e iha tempu dadadersan susar tebes atu asesu ba bee moos, tanba bee sai tuir nia tempu entaun fó impaktu ba estudante no funsionariu balun.
“Foin daudauk ne’e ami halo planu uma kain sanulu-resin kria grupu oan ida hodi tau hamutuk osan, kada uma-kain ida hatama osan 10 dolar nune’e hodi hola sementi, raihenek no fatuk hodi halo bee tanki ida nune’e bele fasilita ba ami uma-kain sanulu resin.” Dehan nia
Relasiona ho asuntu ne’e atu esplika klean liután katak komunidade foho lolon husi aldeia moris-foun suku comoro barak mak la asesesu ba bee moos hodi fasilita ba presiza loro-loron nian nune’e husu ba estadu tenke tau matan ba komunidade sira hodi fura netik bee moos nune’e bele fahe ba kumunidade ne’ebé hela iha foho lolon.
Reportajen : Nelfiano
Foto : Nelfiano