Dili, 17 Dezembru 2024 (Média Democracia) – Hospitál Nasionál Guido Valadares liuhusi Diretora ezekutiva no membru Konsellu Diretiva realiza konferénsia imprensa hodi halo klarifikasaun ba deklarasaun husi Doutór Rui Maria de Araújo, iha Grande entrevista iha Televizaun GMN kona-ba “Ekipamentu CT scan no ai-moruk Dobutamine laiha.”
Relasiona ho deklarasaun ne’e mak Diretora Ezekutiva Hospital Nasional Guido Valadares hamutuk ho Konsellu Diretiva rezeita ho deklarasaun husi Doutór Rui Maria de Araújo ne’ebé transmite liuhusi kanál Televizaun GMN iha loron sesta-feira ne’e (13/13/2024).
Diretora ezekutiva Hospital Nasional Guido Valadares (HNGV), Cecilia Barros Mendonça hateten, dadaun ne’e mákina CT scan iha Hospital Nasional Guido Valadares iha problema ho nia tali corea, maibé swi bele halo atendimentu ba pasiente sira ne’ebé ho kondisaun urgenti.
“Hodi baihira ita-nia Doutór Rui Maria de Araújo hanesan mós Ex-Primeiru Ministru fó sai iha televizaun GMN Tv kona-bá mákina CT scan ne’ebé dehan durante ne’e aat no la funsaun ona ka avaria, los duni mákina CT scan ita agora iha hela problema oituan, tanba ninia tali corea besik kotu, ne’ebé HNGV halo atendimentu CT scan ne’e ba pasiente sira ne’ebé urjenti tebes mak halo.” Dehan Diretora ezekutiva HNGV
Nia afirma katak ho problema tali corea ne’ebé besik kotu ne’e la signifika atu hapara Scan ba pasiente sira ho kondisaun urjenti.
“Maibé ita la dehan atu para total ka la halo, maibé ita halo tanba CT scan ne’e ita halo ba pasiente sira ne’ebé presija urjenti, tanba ita hatene katak ekipamentus ne’e nia tali korea komesa atu kotu, nune’e ita bele salva sira-nia kondisaun. Ida ne’e mak doutór no médiku sira pasa, entaun ita halo ida ne’e, nune’e ita limita/membatasi maibé ita la’ós dehan para Total.” Nia afirma
Nia relata katak iha fulan novembru nia laran pasiente ne’ebé halo Ct scan iha HNGV hamutuk 459 Pasiente, no iha semana kotuk mós pasiente sira sei nafatin halo scan ba sira nia kondisaun.
“Iha Novembru nia laran ita halo CT scan hamutuk 459 pasiente, iha dezembru até sesta semana liubá iha 89 pasiente ida ne’e mak dadus durante ne’e, quer dizer ida ne’e la’o hela, se kuandu la la’o ona entaun la iha dadus novembru ho dezembru nian, maibé to’o sesta dezembru nian 89 pasiente, ida ne’e mak atu fó sai iha ne’e ba públiku tomak atu akompaña informasaun loloos mak ida ne’e.” Nia relata
Nune’e nia salienta katak prosesu CT scan ne’e prosesu ne’ebé ikus ona ba pasiente sira halo relasiona ho sira nia kondisaun.
“Ctscan ne’e buat ida ne’ebé ikus ona, halo ona USG, X-ray no buat hotu, doutór sira husu ba pasiente sira ne’ebé presiza tebes CTscan nune’e ita foin halo, Klaru katak kazu urgente duni maibé la taka dalan konforme ba pedidu nune’e nafatin fasilita no atende.” Nia salienta
Embora situasaun kona-ba Mákina CT scan nia tali corea atu kotu ne’e akontese foin iha semana ida nia laran.
“Situasaun ne’e akontese seidauk to’o fulan, por-volta semana ida-nia laran, tanba halo manutensaun ikus iha 24 novembru foin dadauk, depois de manutensaun ida ne’e mak ita foin detecta fila-fali tali korea ne’e, ne’ebé por volta semana 2 atu ba 3.” Nia hatutan
Durante ne’e atendimentu la’o hela, mak Konsellu Diretiva HNGV fó sai dadus novembru ate dezembru nian iha sesta foin dadaun ne’e.
Nia esklarese liután taka, dadaun ne’e Hospital Nasional Guido Valadares halo hela prosesu aprovisionamentu hodi haree ba kondisaun tali corea CT scan nian.
“Agora dadaun prosesu aprovizionamentu la’o hela, prosesu tiha ona la’o tanba ida ne’e ita labele kompra sasán sira iha ita-nia nasaun laran, ne’e presija ba iha Singapura, Indonesia ka Malasia, ne’ebé agora dadaun ita prosesu ba iha Singapura nian, tantu tali corea ne’e seidauk troka, prosesu hela sei bele aguenta hodi hein prosesu tomak.” Nia dehan
Enkuantu mákina CT Scan ne’ebé dadaun ne’e uza iha Hospital Nasional Guido Valadares ne’e uza kuaze tinan 7 ona, nune’e HNGV la sosa mákina refere maibé sosa de’it nia tali corea hodi troka ida ne’ebé atu kotu.
Diretora ezekutiva ne’e informa katak HNGV prevé osan 20 mill ba sosa tali corea ne’e iha Singapura.
“HNGV kesi osan ba 20 mill ba sosa tali corea, iha samana ida ba kotuk kompañia hatama mai ami prosesa 17 mill, kompañia Oceano husi Singapura tanba ne’e iha ita-nia rai laran laiha, tantu mákina CT scan ne’e iha Timor laran ida de’it mak iha HNGV.” Nia informa
Entretantu Hospital Nasional Guido valadares seidauk tau orsamentu ba 2025 nian hodi sosa Mákina CT scan, maibé iha planu atu sosa de’it mákina MRIX tanba iha HNGV rasik MRI ne’e 0v5 tedla de’it, tan ne’e iha planu sosa mak mákina MRI ho nia eskala no kapasidade ne’ebé boot oituan.
Reportajen : Estefania
Foto : Estefania