Dili, 06 Novembru 2024 (Média Democracia) – Ministeriu Agrikultura, Pekuaria, Peska no Floresta (MAPPF) liuhusi Sekretariu Estadu Pekuaria ho Diresaun Jeral Pekuaria no Veterinaria hari’i sentru klinika animal nia iha Munisipiu rua Covalima no Viqueque
Tuir Diretór Jeral Pekuaria Veterinaria, Carlos Amaral hateten, Sekretariu Estadu Pekuaria sei propoin orsamentu nian atu halo konstrusaun kada sentru Klinika Animal nian, kada sentru klinika ida sei uza orsamentu ho montante $55,074.78, maibé planu hirak ne’e sei bazea mós ba BioQ tanbá konstrusaun ne’e presiza desenu
“Konstrusaun sentru Klinika Animal nian iha Munisipiu rua ne’e atinji ona 50%, signifika iha konstrusaun ne’e hada to’o ona iha sinta no ita espera katak antes iha tinan 2024 nia laran bele finaliza ona Sentru Klinika Animal.” Dehan Nia ba Jornalista sira iha kna’ar fatin Comoro, Kuarta (06/11)
Nia hatutan iha IX Governu konstituisional liuhusi Ministeriu Agrikultura, Pekuaria, Peska no Floresta (MAPPF) halo programa kona-ba oinsá atu halo prevensaun ba moras animal nian liuhusi vasinasaun nomos halo tratamentu ba animal sira.
“Distribuisaun ekipamentu ho ai-moruk atu halo tratamentu ba animal sira ne’ebé moras, prepara mós kondisaun oinsá bele halo monitorizasaun ba moras animal nian. Oinsá bele fó asistensia ba atendementu animal sira ne’ebé moras hodi halo prevensaun, tanbá ne’e estabelese sentru Klinika Animal entaun ita-nia veterinaria sira hanesan doutor ho tekniku sira hodi konsentra iha fatin refere.” Dehan nia
Nia salienta liután halo sentru Klinika Animal kuase 13 iha tinan 2024 nia halo konstrusaun sentru Klinika Animal iha munisípiu Covalima ho Viqueque, nune’e hodi koloka doutor ho tekniku sira husi veterinaria atu halo atendementu ba animal sira ne’ebé moras.
“Doutor ho tekniku sira halo vasinasaun ba animal sira hodi prevene moras, tanbá ne’e animal hanesan karau, manu , fahi bibi no sira seluk tan. Antes animal sira moras tenke halo vasinasaun, maibé animal ne’ebé moras ona signifika doutor sira tenke ba indetifika animal sira ne’ebé moras.” Nia haktuir
Nia esplika estabelesementu ba sentru Klinika Animal nian iha objetivu oinsá atu koloka mediku husi Veterinaria sira atu fó atendementu direita ba komunidade sira ne’ebé hakiak animal. Kona-ba sentru Klinika Animal sira ne’ebe estabelese ona ne’e hamutuk 11 inklui Rejiaun Administrativu Espesial Oe-kussi Ambenu (RAEOA).
“Entertantu Klinika Animal hamutuk 13 kona-ba fasilidade ita propoin hanesan ai-moruk no ekipamentus sira seluk tau iha sentru Klinika Animal ne’ebé iha. Tanbá ai-moruk ho vasinasaun tenke tau iha fatin ne’ebé di’ak, aleinde ne’e mos uza liña elestrisidade balun no balun solar Painel atu bele funsiona ai-moruk sira.” Nia realsa
Atu esplika klea’n liután katak karau vaka ho karau Timur hamutuk 600 mill mak halo vasinasaun ho ai-moruk dose no orsamentu hamutuk montante rihun $20, nune’e mós manu ho propoin orsamentu $rihun 60 hodi sosa ai-moruk. Ai-moruk sira ne’e sosa husi Nasaun Indonesia ho Malaysia.
Reportajen : Nelfiano
Foto : Nelfiano