Dili, 14 Abril 2025 (Média Democracia) – Ministériu Justisa prepara ona esbosu Lei kona-ba revizaun Kódigu Penál (KP) liu-liu artigu 140 ne’ebé ko’alia kona-ba krime omesidu neglijente.
Ministru Justisa Sergio da Costa Hornai haktuir, Krime omesidu neglijensia ne’e iha tiha ona artigu 140 ne’ebé ko’alia kona-ba Krime neglijénsia ho groseiru ne’e katak, sé ema ne’e ida halo krime ruma nia ladún falta kuidadu, ho groseiru, entaun ida-ne’e sei penaliza nia.
Tanba iha artigu 140 Kódigu Penál kona-ba omesidu neglijénsia númeru 2 ko’alia kona-ba Krime pur neglijénsia groseira katak, iha kazu ne’ebé ajente aktua ho neglijénsia groseira, sei hetan pena prizaun to’o tinan 5.
“Ha’u hanoin kodigu penál ita komesa halo ona revizaun iha tempu badak ami sei tur hamutuk hodi haree esbosu, ita halo diskusaun ita troka hanoin nomos halo ona diskusaun ho komisaun A iha Parlamentu Nasionál ita iha ona esbosu hein ita halo submisaun Konsellu Ministru.” Dehan Ministru Sergio Hornai ba Jornalisra sira iha edifisiu Ministériu Justisa Kinta ne’e (10/04)
Nia afirma, bainhira halo ona submisaun ba Konsellu Ministru, mak foin halo apresiasuan hodi akomoda buat ne’ebé ema hotu-hotu hakarak, hodi ajusta ba realidade ne’ebé iha nomos fó dignidade bá sidadaun sira hotu.
“Buat ida ne’e iha integridade, iha ninia personalidade no buat sira ne’e hotu, entaun ita sei haree karik ita ko’alia kona-bá injuria, kalónia, depois defamasaun nomos kirme sira ne’ebé karik iha paíz sira seluk admisiva, tanba sá Timor-Leste la bele, entaun ida ne’e ita sei diskute.” Afirma nia
Nia dehan, hanesan orgaun ezekutiva nia propoin kestaun ne’e bá iha Parlamentu Nasionál, konserteza sei liuhusi Konsellu Ministru mak halo submisaun ba iha PN mak loke hodi halo audénsia públiku.
“Ita buka esforsu mais posivel, husi ha’u la bele termina bainhira maka atu aprezenta bá Parlamentu Nasionál, mais ita buka esforsu, ha’u hanoin katak ita esbosu ona no ita mós peskiza fó kotinuidade halo harmonizasaun, autualiza buat balun hanesan ita-boot sira ko’alia kona-ba krime insestu mós ema hasai preokupasaun bá iha sidadaun sira, entaun ita akomada buat balun para ke, no ita bele lori esbosu ne’e bá oin.” Nia hakotu
Enkuantu, kona-ba bainhira maka atu aprezenta, Ministru Sérgio sidauk fó data serteza, maibé esforsu ba preprapasaun ba esbosu kodigu penal la’o dadauk ona.
Reportajen : Estefania
Foto : Pájina Ofisiál Ministériu Justiça