Dili, 11 Abril 2025 (Média Democracia) – Komisaun Funsaun Públika akompaña husi Ministeriu Justisa fó pose ba funsionariu rekrutadu na’in 122 husi Sekretária Estadu Terras no Propriedade nian husi Diresaun rekruta iha tinan ne’e.
Tuir planu asaun anuál 2024 Ministeriu Justisa ninia atu haforsa traballu iha Sekretária Estadu Terras Propriedade liuliu Diresaun Jeral Terras Propriedade ba kestaun levantamentu rai Estadu iha nasionál to’o Munisípiu.
“Ohin sira simu tomada de pose para halo reforsa ba Diresaun Jeral Terras Propriedade nian, ita-boot sira hatene sira sai hanesan funsionáriu foun, sira sai hanesan ajente, ita sei buka esforsu sira para eleva nia koñesimentu para sira bele manán abilidade para hasae sira nia prestasaun.” Dehan Sergio Hornai ba jornalista sira hafoin fó pose ba funsionariu foun rekrutariu, iha auditóriu Ministeriu Justisa kinta ne’e (10/04)
Funsionáriu foun hirak ne’e sei servisu iha Diresaun Jeral Terras Propriedade ne’ebé sei destaka iha nasionál nomos ba iha Munisípiu sira.
“Hirak ne’e hotu atu kontribui ba esforsu sira iha levantamentu sira ne’ebé ita tenke halo, levantamentu sistematuku no levantamentu separadis.” Nia dehan
Funsionariu foun na’in 122 hirak ne’e sei fahe ba nasionál ema na’in sanulu no sei destaka mós ba Munisípiu, kada Munisípiu ema na’in sanulu.
“Funsionariu foun sira ne’e molok simu pose sai funsionariu ba iha Diresaun Jeral Terras Propriedade Ministeriu Justisa liuhusi prosesu ne’ebé rigor hafoin selesiona hanesan funsionariu hodi simu pose halo kna’ar.” Nia informa
Ministru ne’e husi ba funsionariu foun sira ne’e bainhira halo servisu tenke iha loyalidade no servisu ho responsabilidade.
“Ha’u husu dala ida tan ba ita-boot sira atu servisu iha unidade, paixaun, servisu iha loyalidade, servisu ho responsabilidade.” Nia-fó hanoin.
Iha fatin hanesan Komisáriu Komisaun Funsaun Públiku asuntu Portefoliu Agapito da Conceicão hateten, husu ba funsionariu foun Diresaun Jeral Terras Prioridade atu asinterse Estadu bainhira halo Funsaun.
“Hatudu nafatin loyalidade ba Estadu hodi servi Estatu, inzensaun no dedikasaun hodi hala’o kna’ar ho responsablidade, onestu, prodesionalizmu kumpre lei, koreaaun no defende interese Estadu nian.” Nia hakotu
Entretantu funsionáriu foun hirak ne’e sei ba hala’o kna’ar nu’udár ajente Administrasaun Públika, liuliu servisu iha área téknika no asistente Administrasaun.
Reportajen : Estefania
Foto : Estefania
Editor : Jp.Costa