Dili, 24 Outobru 2024 (Média Democracia) – Polisia Nasional Timor Leste (PNTL), servisu hamutuk ho kompaña Heneiken, realiza workshop ho tema “ HADOMI VIDA PREVENE ASIDENTE” ba estudante unversitariu sira. Workshop ne’e realiza iha Polisia Akademika Comoro Dili
Tuir Komandante Tranzitu Siguransa Rodaviariu Superintendente Asistente Luis da Costa hateten atividade workshop ida ne’e importante tebes ba estudante universitariu tanba durante ne’e kompaña Heineken halo parseria ho Polisia liuliu polisia tranzitu.
“Workshop ida ne’e hodi trasmite informasaun ba estudante sira kona-ba impaktu husi lala’ok banhira konsumu alcohol, sei labele lori transporte publiku no privadu sira iha dalan publiku. Nune’e mak polisi tranzitu tenki foti desizaun ida atu kontrola, tanba ne’e dadus ne’ebé rekolla kazu asidente iha territoriu ne’e hahu husi fulan janeiru too setembru ne’e ho total ema hamutuk 1.663 no ema na’in 90 mak lakon nia vida, iha mós ema ne’ebé konsumu alcohol bainhira lori transporte publiku hamutuk na’in 12 mak lakon vida.” Dehan Komandante Tranzitu Luis da Costa Polisia Akademika Comoro Dili
Nia hatutan liután katak, informasaun sira tenki fahe ba estudante sira atu nune’e sira bele partilla fila-fali ba maluk no kolega sira seluk ne’ebé seidauk hatene kona-ba konsumu alcohol ne’e fó impaktu hodi hetan dezastre bainhira utiliza transporte publiku.
“Informasaun hira ne’ebé fahe ba estudante sira katak banhira komsumu alcohol mak nia imapktu boot tebes hanesan bele hetan asidente, lakon vida, kanek todan, no kanek kaman. Iha involvimentu seminariu ne’e trasnmite informasaun ba estudante sira tanba kuaze ema joven sira mak konsumu maximu alcohol. Husi informasaun hira ne’ebé estudante sira hetan labele hela deit iha sira, maibé tenki partilla mós informasaun hira ne’e ba joven sira seluk no ita-nia maluk sira ne’ebe konsumu alcohol hodi utiliza transporte publiku.” Dehan Nia.
Nia esplika liután katak, joven sira bainhira atu konsumu alcohol tenki tuir nia tempu no fatin atu nune’e labele hamosu konflitu no asidente. Tanba joven sira konsumu alcohol iha fatin publiku bele hamosu asidente iha fatin-fatin, tanba hemu la tuir dalan no tempu. Banhira ema ne’ebé la konsumu alcohol mak konfkitu ka asidente sei la mosu.
Iha parte seluk tuir Supply Chain Manger Heineken Pisey Hoeung hateten estratejia kompaña laos halo serveja deit maibé oinsa ema hemu ho moderasaun labele barak liu, nune’e bele fó imapaktu ba saude.
“Nu’udar kompaña Heineiken ami laos halo serveja deit maibé oinsa ema hemu tuir nia moderasaun no lebel hemu barak liu atu nune’e labele fó impaktu ba saude nomos bainhira konsumu ona alcohol evita labele lori kareta ka motor, nune’e labele akontese dezastre.” Dehan Supply Chain
Nia haktuir tan katak, informasaun sira ne’ebé estudante sira hetan bele hatutan no partilla ba joven no komunidade sira oinsa atu konsumu alcohol tenki tuir nia tempu no nia dalan nomos bainhira konsumu ona alcohol barak labele lori kareta ka motor, nune’e bele Evita asidente no konflitu iha bairu laran liuliu iha komunidade sira
Reportajen : Tomas
Foto : Tomas