Dili, 26 Novembru 2024 (Média Democracia)- Rede Feto Timor-Leste realiza Konferensia Munisípal Feto Timor-Leste ho tema “Feto no Dezenvolvimentu Aliserse ba Familia no Nasaun” atividade ne’e sei hala’o iha Munisípiu 12, sei termina iha Munisípiu Manatutu iha seman ida ne’e. Konferensia ne’e hala’o iha salaun Delta Nova Dili, Segunda semana ne’e
Tuir Prezidente Konsellu Diretora Rede Feto Timor-Leste, Zelia Fernande, hatete atividade realiza konferensia munisípal Timor-Leste ida ne’e ba dala neen hanesan mekanizmu konsultativu ida ne’ebé lidera husi Rede Feto Timor-Leste. Atividade ne’e realiza iha Munisípiu hotu-hotu ohin hala’o ba dala sanulu-resin-rua 12 iha munisípiu Dili sei termina iha Munisípiu Manatutu iha semana ida ne’e nia laran
“Objetivu prinsipal tolu husi atividade Konferensia Munisípal ida ne’e atu aprezenta reletoriu ho munitorizasaun Plataforma ba feto dala 5, ne’ebé kongresu liuba rezultadu hodi haree fila-fali rezultadu atinjimentu ne’ebe uluk inan feto sira rekomenda iha kongresu Nasionál Feto Timor-Leste.” Dehan Prezidente Konsellu Diretora Rede Feto Timor-Leste, Zelia Fernandes
Nia hatutan liután tuir mai sei aprezenta nune’e bele valida fila-fali, rona bainhira fó hanoin husi kongresista sira kona-ba buat ruma ne’ebé seidauk inlkui iha relatoriu refere no segundu sei halo diskusaun ba area tematiku ualu sei ba loron rua nia laran.
“Diskusaun ba área tematiku sira ne’e tanba hanoin katak ita presiza halo dezenvolvimentu ba rai no nasaun ida ne’e presiza tebes kontrbuisaun husi feto sira, tanba ne’e feto la’os ko’alia de’it kona-ba direito feto nian maibé feto ne’e aspeitu intregradu ida ita bolu inkluzaun ba área hotu-hotu. Entaun iha área tematika 8, sei aborda mós iha Edukasaun, Saude, Justisa, Ekonomia empregu.” Dehan Prezidente Rede Feto
Nia salienta liután iha área inklusaun sosial sei koalia kona-ba feto paz no seguransa, ema ho difisiensia no veteranu sira maibé iha area tematiku foun daudaun ne’e haree liubá mudansa evolusaun prosesu tomak durante hala’o iha rai laran rejiunal no internasional
“Ita haree asuntu mudansa klimatika no meiu ambienta asuntu importante ida ligadu ho Kroskating ida presiza integra tama iha aspetu hotu-hotu tanba ne’e ita hamosu area foun ida ho tematiku feto meiu ambiente no mudansa klimatika importante liu atu haree kona-ba globalizasaun no dijitalizasaun.” Nia haktuir
Nia haktuir haree ba tematiku abordajen jéneru nia okos mak feto nu’udar média dijitalizasaun tanbá kongresu iha tuir mai sei koalia kona-ba konteporanidade maibé haree feto sira nia kontrbuisaun iha mundu globalizasaun entaun feto sira mós tenke organiza aan oinsá bele kontribui ba evolusaun mundu dijitalizasaun nian tanba feto barak sai vitima ba iha teknolojia refere
Iha fatin hanesan Sekretáriu Estadu Igulidade (SEI), José do Rozário Carvalho, informa liga ho asuntu hirank ne’e hanesan instituisaun estadu iha komikmentu atu asegura papél atu fó desizaun sira iha politika ekonomia
“Oinsá kona-ba lalaok Politika secertario Estadu igualdade kongresu asosisaun feto ba iha Munisípiu no mo’os hatutan iha ita nia komunidade ho asuntu balu atu suporta Rede feto ba iha Munisípiu sira ami nafatin prontu maski iha orsamentu ne’ebe la barak oituan maibé ami nafatin konsideira ba asegura.” Dehan Sekretáriu Estadu Igulidade (SEI), José do Rozário Carvalho
Nia hatutan Sekretáriu Estadu igualdade halo mudansa ba iha futuru maske ki’ik no bo’ot maibé nafatin haree kona-ba diskriminasaun ne’ebé akontese iha nasional munisípiu sira liu-liu iha Ministeru 18 iha Timor-Leste.
Esplika liután ita hotu akompaña iha semana kotuk SEI halo Lansamentu asina implamentador sira Liu-liu ho ita nia sosiedade internasional sira kada tinan sempre aloka orsamentu fundu transferensia publika atu ajuda inan feto sira ne’ebé uluk kria grupu asosisaun sira iha munisípiu
Reportajen : Nelfiano
Foto : Nelfiano