Dili, 17 Outobru 2024 (Média Democracia) – Selebrasaun loron internasional dezastre naturais ba dala (17), Autoridade Protesaun Sivil (APC) liuhusi Sekretariadu Estadu Protesaun Sivil (SECP) hala’o atividade Kariedade liuhusi doasaun raan hodi tulun pasiente sira iha Hospital Nasional Guido Validares (HNGV), serimonia doasaun raan ne’e halao iha salaun APC, kaikoli, Díli.
Iha entrevista ho Sekretariadu Estadu Protesaun Sivil (SECP), Domingos Mariano Reis hateten, ativididade ohin ne’e realiza tanba selebrasaun loron mundial entaun prense atividade ho doasaun ran atividade ne’e realiza tanba husu ba funsionariu hotu iha nasional nomos iha munisipiu sira atu bele kontribui raan turuk ida atu bele salva maluk sira ne’ebé presiza tebes raan iha HNGV tan ne’e ohin APC realiza atividade refere.
“Atividade primeiru ne’ebé ohin ita realiza ne’e mak doasaun raan husi funsionariu sira hodi kontribui ba iha ospital Nasional atu bele oferese ba pasiente sira tanba ami sempre asesu hela de’it informasaun iha média sosial katak sira presiza tebes raan, entaun ami mós hanoin katak selebrasaun loron ohin ami mós hakarak kontribui ami nia raan turuk ida hodi salva ema ida nia vida, ho misaun husi ami katak servi no proteje ba iha sidadaun ida nia moris”. Sekretariadu Estadu Protesaun Sivil (SECP), Domingos Mariano Reis
Nia hatutan atividade ohin ne’e servisu APC hamutuk ho HNGV, OMS, ho WHO inklui Kruz Vermella Timor Leste hodi realiza atividade loron ohin doasaun raan, ne’e foin primeira hala’o no sei hala’o tan iha dia 30 selebra loron dezastre nian iha Atabae ne’e hanesan prense hotu ba atividade selebrasaun dezastre naturais mundial nian.
“Atividade ohin ne’e kada tinan ita sempre halo maibé hare’e fali ba iha atividade ohin ne’e doasaun raan foin hala’o ohin no ami sempre servisu hamutuk ho organizasaun sira atu bele husu funsionariu sira hodi apoiu sira nian raan, nune’e bele salva pasiente sira, no funsionariu sira ne’ebé sei apoiu sira nia raan ne’e maioria iha nasional de’it no ita mós sei husu funsionariu sira iha munisipiu atu bele apoiu mós sira nia raan ba iha pasiente sira liuhusi doasaun raan, ba funsionariu sira ne’ebé iha moras ne’e labele tanba doasaun ran ne’e mós iha nia kriteira husi HNGV rasik.” Tenik SECP
Nia salienta relasiona ho komemorasaun loron mundial dezastre naturais ne’e APC realiza atividade importante tolu hanesan, primeiru atividade ne’ebé ohin hala’o ona Doasaun Raan, atividade segundu sei distribui apoiu emerjensia ba difisensia sira ne’ebé agora daudaun kadeira roda ne’e, sei hare’e liu iha Atabae, nomos atividade terseiru mak sei apoiu rekuperasaun vitima uma kain-rua iha Atabae apoiu material ho osan atu nune’e bele rekupera fali vitima sira no atividade ne’e sei realiza iha tinan oin, iha ativdade importante rua hanesan sistema seguransa nasional no dezenvolvimento institusional.
Hatutan husi Xefe Departamento Banku de Sangue HNGV, Alexandrino Mendonça, hateten agradese ba APC nia servisu hamutuk hodi hala’o atividade ohin doasaun raan ne’e, agradese mós ba funsionario sira ne’ebé ho laran luak oferese sira nia raan atu bele salva pasiente sira iha ospital nasional tanba ho raan ne’ebé fó bele salva ona ema seluk nia moris
“Ita hotu hatene katak moras barak tama iha ospital nasional ne’e ho kazu ne’ebé presiza tebes transisaun raan, tanba iha inan balun ne’ebé partus raan fakar karik ita la oferese lalis raan entaun bele lakon vida nomos moras balun ne’ebé presiza tebes raan, se raan ne’ebé pasiente sira presiza iha ospital ne’e la iha entaun pasiente bele lakon vida, husi banku de sangue ospital nasional mós iha atividade ida hanaran mobile donor hanesan grupu sira ne’ebé hakarak halo doasaun raan voluntariu entaun ami sempre atende sira, atividade ami hala’o ona iha oekusi no ohin banku de sangue mai tan iha APC atu husu funsionariu sira hodi oferese sira-nia raan ba pasiente sira.” Lia hirak ne’e hato’o husi Xefe Departamento Banku de Sangue HNGV, Alexandrino Mendonça
Nia salienta liután katak atu garantia ba iha raan ne’e mak banku de sangue servisu hamutuk ho parseriu sira nomos servisu (mobile donor) hodi esforsu buka raan hodi oferese ba pasiente hirak ne’ebé sofre hela moras iha ospital nasional, atu nune’e husi raan ne’ebé banku de sangue rekolla husi maluk sira bele oferese ba fali pasiente sira durante servisu, ne’e dezafius barak mak hasoru maibé ida ne’e la kestaun ida no dezafius seluk mak dalaruma urjente stock raan menus entaun ne’e hanesan dezafius ne’ebé banku de sangue sempre hasoru lorloron
Reportajen : Domingas
Foto : Domingas