Dili, 07 Novembru 2024 (Média Democracia) – Seksaun Sosiedade Engeneriu Petróliu Timor-Leste ofisialmente abertura ba dahuluk iha Timor hodi bele halibur industria nomos engeneriu sira hodi bele hamutuk iha seksaun patrimoniu nian, atividade ne’e realiza iha salaun City8 Haas-laran Dili
Ministru Petróliu Rekursu no Minerais (MPRM) Francisco Monteiro hateten, sosiedade ba petróliu seksaun ida iha Timor-Leste sei halibur ema servisu iha industria ne’e nomos engineiru sira ne’ebé remata estudu iha universidade no dosente inklui membru seluk ne’ebé inklina iha sosiedade bele hamutuk iha Timor-Leste
“Alternamente governu sempre apoiu ba inisiativa sira ne’ebé ho natureza atu lori profisional sira hamutuk hodi haree ba asuntu ne’ebé komplexu hanesan petróliu nian nune’e mós bele sai hanesan fatin ida bele halibur debate diskusaun ba topiku ne’ebé relevante iha industria tanba komplexu tebes ba forum ida ne’e.” Dehan Ministru Petrolio Rekursu no Minerais (MPRM) Francisco Monteiro
Nia hatutan SPE halo negósiasaun di’ak tebes ita-nia Primeriu Ministru koalia ona iha Parlamentu Nasional nune’e prosesu sei lao hela di’ak entaun ita hakarak aselera atu ikus mai ita bele deside hodi foti desizaun ida hodi bele halo dezenvolvimentu ba Grites Sanrice hodi dada kadoras mai Timor-Leste.
“Faze hirak ne’e lao hela prosesu nia laran iha sorumutu dalarua ita bele finaliza ona maibé iha parte balun iha hela prosesu nia laran nune’e hodi diskute kle’an liután tanba iha interese barak mak iha laran presiza diskute kle’an nune’e bele finaliza.” Dehan Ministru
Iha sorin seluk Sosiedade Engeneriu Petróliu SPE, Fernando da Silva Chairmain hateten, SPE estabelese iha nasaun barak maibé iha Timor-Leste foin harii maibé daudaun ne’e iha nasaun hamutuk atus-ida-haat-nulu resin-lima 145, ema hamutuk 1.90 mill husi ema profisional inklui estudante ne’ebé inklina aan iha oganizasaun refere.
“Timor-Leste tinan ida ne’e ami ekipa tur hamutuk hanoin katak ita bele estabelese mós sosiedade ida ne’e Timor-Leste tanba ita iha estudante barak nune’e ita hola parte iha setór industria petroliferu buat ida ne’ebé boot tebes ba Timor-Leste.” Dehan Sosiedade Engeneriu Petroleo SPE, Fernando da Silva Chairmain
Nia hatutan tinan rua-nulu ba kotuk iha esperiensia barak, ne’ebé iha tinan ida ne’e ita kompleta ba tinan 20 produsaun husi bayu-undang huhu husi faze explorasaun dezenvolvimentu produsaun
“Daudaun ne’e ita koalia kona-ba dezmantelementu kampu industria lubuk ida ne’ebé hola parte iha Timor-Leste presiza lisaun no esperiensia nune’e hodi fahe ba malu teknikalmente iha profisional hodi fahe ba malu.” Dehan nia
Nia salienta Sosiedade Engeneriu Petróliu iha Timor-Leste bele sai hanesan forum fasilitador hodi bele fó oportunidade ba ema hotu-hotu bele partillia nia esperiensia iha koneksaun ba malu.
“Papel importante mak atu halo koneksaun entre membru SPE sira nomos membru sira iha mundu koneksaun mós ba mudansa teknolijia daudaun ne’e ita iha liu-liu iha evolusaun setór petroliferu nomos koneksaun ba parseiru industria sira.” Nia haktuir
Nia salienta esperiensia no lisaun ne’e valór ne’ebé boot iha setór petroliferu industria no siensia, tanba Timor-Leste bele hahú ona ho forum ida bele halibur matenek na’in sira ne’ebé hola parte iha direta no indireta industria petroliferu iha Timor-Leste
“Benefisiu bainhira sai membru ita sei asesu iha teknikal piper sira presiza sira ne’ebé hala’o iha nasaun seluk kona-ba industria ida ne’e no matenek na’in sira bainhira ita asesu nomos iha oportunidade atu tuir koferénsia simpoziu no woorkshop sira iha rai laran no rai liur.” Nia informa
Nia afirma aleinde ne’e prezidente SPE internasional sei fó rekoñesimentu ba SPE iha Timor-Leste ita hahú hatama proposta ba SPE internasional ne’e iha inisiu fulan juñu tina ne’e, nune’e hodi hetan aprovasaun husi Prezidente SPE internasional iha Estadu Unidu.
Esplika liutá katak membru SPE hamutuk na’in 50, mai husi reprezentante kompañia petroliferu Timor-Leste no balun mai husi Timor-Gap no AMP, nune’e ba futuru sei halo promosaun atu asegura ema hotu-hotu iha koñesimentu di’ak kona-ba benefisiu oinsá bele sai membru ba SPE
Reportajen : Nelfiano
Foto : Nelfiano