Dili, 23 Dezembru 2024 (Média Democracia) – United Nations Population Fund (UNFPA) servisu hamutuk ho Ministeriu Saúde (MS) hala’o lansamentu fatin seguru sentru saude internamentu iha Munisipiu Lauten.
Iha diskursu husi reprezentante UNFPA iha Timor-Leste Domingas Bernardo hateten, UNFPA marka tan historia foun ida husi esforsu koletivu ba ita hotu-hotu hodi suporta Ministeiru Saude ba lansamentu sentru saude da-ualu 8 iha munisipiu, Dili, Likisa, Glenu, Viqueque, Baucau, Covalima Suai, Atabae, no agora dadauk iha Munisipiu Lauten-Lospalos.
“Ha’u atu fó hanoin de’it katak, violensia bazea ba jeneru ne’e hanesan asuntu saude publiku nian, tanba ne’e papel no sistema saude importante tebes, nune’e UNFPA servisu hamutuk ho Ministeiru Saude hodi kria sentru saude iha munisipiu sira, hodi fasilita di’ak liután komunidade sira iha saude no violensia bazeia ba jeneru nian, atu fó hanoin tan iha peskiza demografia saude Timor-Leste hatudu katak iha munisipiu lauten dadus husi 2016, 38% husi feto idade reprodutiva 15 to’o 49 sofre ona violensia fiziku, seksual no emosional, nune’e hatudu katak kazu ne’e sei seriu tebes iha munisipiu lauten, nune’e mós husu ba ita hotu servisu hamutuk hodi halo asegurasaun prevensaun no resposta ne’ebé efetiva ba problema violensia bazeia ba jeneru iha lauten.” Dehan reprezentante UNFPA iha Timor-Leste Domingas Bernardo
Esklarese liután katak, UNFPA hakarak fó hatene ba autoridade sira kona-ba planu asaun nasional ba violensia bazeia ba jeneru ne’ebé liga ho lei violensia domestika nian ne’ebé promulga ona iha 2010, signifika katak servisu ne’e interligadu.
“UNFPA servisu hamutuk Ministeiru Saude no institutu nasional saude publika, ne’ebé halo mós treinamentu ba apoiu tekniku hodi reforsa liután kapasidade no sistema saude, nune’e bele asegura husi Ministeiru Saude ba sobrevivente sira ne’ebé hetan violensai bazeia ba jeneru hodi fó asistensia ne’ebé esensial ba nesesidade sobrevivente nian, no forma ida efetiva kordenada tuir matadalan internasional nomos nasional, signifika katak sistema saude la servisu mesak, ita iha diretor MSA nian ne’ebé nia servisu mak oinsa maneza kazu violensia bazeia ba jeneru no iha mós justisa no polisia.” Esklarese reprezentante UNFPA iha Timor-Leste Domingas Bernardo
Entertantu estabelesimentu fatin seguru no iha fasilidade saude nian ne’e importante tebes-tebes atu fó apoiu liña dahuluk. Parabens ba sira ne’ebé mai husu ajuda kona-ba sistema saude, komponentu husi pakote esensial ba sobreviventi sira hodi asegura privasidade, ida ne’e mak prinsipiu husi pesoal saude ba kuidadu atendimentu, asistensia ba sobrevivente violensia bazeia ba jeneru.
Reportajen : Nelfiano
Foto : Nelfiano